التصنيف: اغاني

سمحه الصدف حلوه الظروف
وانا ياجميل ياسيد الحروف ودايما تقول حلوه الظروف
اصلي ماقادر اصف كل الحصل
اصلو الحصل مابتوصف لا بحرف ولابي غنا
غايب سنه وفي لحظه بس نلقاك هنا
بالله شوف سمحه الصدف حلوة الظروف
اللقيا عاد ما اجملا
والله من يوم الرحيل
لا شوفتك السمحه اتلقت
ولا ضقنا من بعدك حنان
الشوق يزيد والنار تقيد
ولا عيني خاتيها الاسى
ولا شوقي قال بالدمعه لا لا لا لا
الليله بي شوفتك تبين
عيوني تبقى مكحله
بالله شوف سمحه الصدف حلوة الظروف

امتي ارجع لامدر واعودا

واشوف نعيم دنيتي وسعودا

امتي تلمع بروق رعودا

حظوظي تنجز لي وعودا

روحي ضاعت في النار قعودا

لي هون يا ربي عودة

اشوف حبيبتي وانظر خدودا

عساها ترحم تكون ودودة

ومسامعي تسكر من ردودا

وتطفي ناري الفاتت حدودا

اشواق كتيرة الدموع شهودة

وللمنام العيون زهودة

وفي الهجر روحي ضاع مجهودة

لم تزل حافظة لي عهودة

ياالمن فراقك ايامي سودا

خلاف وصالك دايما كسودا

غير محاسنك مين يسودا

الملوك وياسر الاسودا

ما كانو يعرفو ناس بلودة

الغرام من قبال ولودة

من يوم وضوعا الفي الخير خلودا

فاتنة النفوس طايعة وجلودة

ابواب لقاها ام خدود مصودة

ونار العذاب في الفؤاد محصودة

هناي ومنية روحي ومقصودا

اشوف رشيم يضوي بين فصودا

عشميق الأصم.. عليك بجر النم يا دقر الحرائق أصبحت كارف السم عشميق الأصم

شدولو ركب فوق اصهبا مو ربيك
الهوى والشرق شرفا بعاينن ليك

العاقر ديك تقول بتلدى وتسمي عليك
يا عيد الضحية البفتحولو البيت
رايو مكملو كسار قلم ماكميك

عليك بجر النم يا دقر الحرايق أصبحت كارف السم

الليله البلد اتباشرو ناسو
يا بحر المحيط مين عبرو وقاسو
بريطانيا الترك ما لينو راسو
ابا العضم الكبير كسرو وشرب ساسو

شدولو ركب فوق اصهبا حبشي
رايو مكملو وكلامو ما هبشي
هادى أديتا ألامانه متقنعه وتمشى
حايدانى الامانه ضيف الهجعه يتعشى
ما بجالس الهفوف ولدا قبيل منسي
عكليتا كبير ماكميك جنى هكسى

قومن شكرنو يا الكلكن قاعدات
دا اب صيتا طلع شال المسافر وفات
حمدالله بالسلامة يا زمام الكليات

ليك بجر النم يا دقر الحرايق اصبحت كارف السم

اقول انساك وعارف أني ما بقدر
ومهما قساك علي يطول يزيد شوقي في هواك اكتر
اسافر في العيون وأسأل وافتش جوة في اعماق والقاك عاطف تتفجر
يجني الماضي بالماضي واشوفك وانت كيف بادي بالشوق الاصلو ما بعادي
اعود من تاني اتذكر يجني الماضي بالماضي
حبك عشتو من أول من زمن بعيد طول
ما بقدر اسيب حبك اغيب عنك بعيد ارحل

ياحليل رياضنا الغناء
وصداح هزارها تغنى

يا ليل حظوظنا الجنة
ظرفك علينا تجنى
اخرجنا من الجنة
و فى نار هواها سجنا
يا حليل رياضنا الغناء

عمل الدهر دى العملة
و جاء جرد على الحملة
فارقت دورن جملة
تفرغ عيونى و تملا
يا حليل رياضنا الغناء

مر يا نسيم بجارى
و احكيلو كل الجارى
قول ليهو دمعه الجارى
فى خدوده سوى مجارى
يا حليل رياضنا الغناء

ذكرى الحبيب عاطرانى
كبت دموع ماطرانى
الذمة والاطرانى
سيان لو يطرانى
يا حليل رياضنا الغناء

شلخه الحسامى و خالو
ورمز الصليب فى خالو
بروحى لو اسخالو
سيد عين حياتى اخالو
يا حليل رياضنا الغناء

فقتى الحضر والبادى
فقتى الختم والبادى
سهمك برق عبادى
يمطر جمر فى اكبادى
ياحليل رياضنا الغناء

يا مى خيالك جانى
جنح الظلام ناجانى
هيج على اشجانى
و الجانى ياناس جانى
يا حليل رياضنا الغناء

منعوني الحب الحلال حرموني من الوصال
…………………..
أنا اااااااااااااااه
منعوني نور العيون
منعوني زهر الغصون
منعوني أنا مابخون
لحبيبي روحي بتهون
………………..
أنا اااااااااااااااااه
منعوني والحب شديد
وفؤادي تعبو بيزيد
ياربي انت الشهيد
غير ريدو مالي ريد
…………………
أنا اااااااااااااه
منعوني عطر الورود
منعوني خلي الودود
لكن لابد تعود
في غيابو او بالوعود

أبوي مسكيـن ..
فتــح باب الصبر بالديـن .. وشــال منــو
وقف في ايـد الصبـر بالسـوط
جلد في جـلد ابوي لامن مرق جلد الصبر والسـوط
وفتر من جلـد ابـوي والمــوت
عرف بي إنــو ما بيخــاف أبوي منـــو
لأنــو مصيــرو راجيهــو .. ونحــن هناك راجنــو
صغار ينتظـرو في الأحــلام .. ينــومو عشــان يشـوفو العيـش
قبل ما يشيـلو منـو قليـل .. يصيــح ديـــك الصبــاح معليــش
حلمكــم ما بيشبــع ليــش
عشــان حلم الجعــان العيـــش
وعيـــش الحلمــة ماهـــو رغيــف
ومويـــة الحلمــة ماهــا خريــف
صحينــا على حلــم تخـريــف
طشــاش الرؤيــا لاقـى الزيــف
ابوي مسكيــن ومسكينــن كتار زيــو
يبلــو من الصبــر ريقــم
صديقــم ما يفــك ضيقـم
زمــن لا فيهــو زول صاحـب
طريقـن سور الحاجــب
وهمــبت من عيـونم شــوف
ولــون في اليقيــن الخــوف
أبوي مسكيــن .. وما المسكيــن بكـون شحــاد
أبوي عفف أيــادي العفــة في الزهــاد
أبـوي كان بحتقــر شكــل القـروش ما نعمـة في الجحــاد
يعــاف اللقــمة كان اتمسحـت في الــزاد
أبـوي لا سيــد .. ولا كان للبســود عبـــاد
أبوي إنســان وسـوداني ..
طبــع من لونــو لينــا جـــواز
جنسيــاتنا كانت من عيــونو عــزاز
بطاقتنــا النشيــلا معانـا بي إعــزاز
وبصّــم .. بصـم من ريقــو في الانفـــاذ
أبوي إنســان .. ضميــرو عرف حقــوق الزات
أبــوي من قلبــو كان جخـــات
أبــوي علق جلــد مصلايتــو شان ما ضحــى في الأعيـــاد
وضبــح مأساتــو .. شان تفـــرح خلــوق الدنيــا في الميـــلاد

أنت الصباح الصاحي
وانت الغروب الباهي
وانت المياه العذبة
وأنت النسيم الصافي
***
اهوى العيون السوداء
واحب سمار فى خدودا
***
بهواك وازيد فى حبي
مهما تزيد فى جروحي
دا قلبي راح لقلبك
يا سيدي مالك روحي
***
أنت الصباح الضاحك
وانت الغروب الباكى
وانت المياه العذبة
وأنت النسيم الصافي

خداري ما بخلي انا وين يالاخضر لونوا زري
انت تعلم قلبي مفعم امت ترحم ليك مغرم
التجافي ديمة اظلم والوصال ياروحي ارحم
انت نافر يا غزالي حبي طاهر مابغالي
مالو صابر حن لحالي فيك بظاهر ماببالي
صدرو عالي وخصروا بالي عزيز وغالي لي منالي
الله يعلم شلت بالي رفضت وصلي ياخي مالي
شفتو مرة حاجبو قمرة منحني نظرة قلبي فر
شوف جمالو كيف اجري دلال معظم كلو جبره

حليل ارض الجزاير والمراكب والطنابير الترن
حليل ناس ليلى ساعة الليل يجن
يا غالية يا تمرة فؤادي
الليلة ما عاد المراكب شرقن
والقمري فوق نخل الفريق فاقد الاهل
يبكي ويحن
نحمل رسايلنا واشواقنا
لحبايبنا وللاهل
للقاطعين الرسائل
الاحلى من عسل النحل
لذات الضفاير الطايشة
بين مجلس عشيرة وبين اهل
وبخجل بتسال الساير
بلدنا حبايبنا اهلنا راحو للحلة
لا بكاتبونا لا بيفيدونا الحصل
حليل الراحو خلو الريح
تنوح فوق النخل
حليل الفاتو لدار
الاهل بدون اهل
والجروف الكابة
من شاطئ النهر
طاب المحل والنخل متاكي
وين سوق طير وجوج في امل

ياريت من اول وريتنا

انك يمكن تتأخر يوم

كان غايتوا اطمنا شويه

وبحرك ياليل ماطفنا نجومه

بيقول الغايب عزره

معاه وفى غيابك ياما نشيل اللوم

مرت لحظات وكمان ساعات

طالت وحياتك منتظرين

لو وشوش صوت الريح في الباب

يسبقنا الشوق قبل العينين

ونعاين الشارع نلقاه

عايم بدموع المغلوبين

العيد الجاب الناس لينا

ما جابك يعنى نسيتنا خلاص

مع انك انت الخليتنا

نعيش الحب ذكرى و اخلاص

صبحت دمعتنا وسألتنا

كده حاول اعرف لينا خلاص

شال النوار

ظّلل بيتنا

من بهجة وعدتك

وما جيتنا وفضلنا

وحاتك منظرين

شوف وين روحتنا ودّيتنا