التصنيف: اغاني

انتى الربيع سيد الفصول مازى خريف مازى شتا
زى القمر لمن يبين كل النجوم ياخد ضياها يشتتا
انتى الشعر جوه الشعور اتى الوفا البنبع بحور
انتى الربيع الجاب زهور انتى النسيم الشال عطور
مازى خريف مازي شتا زى القمر لمن يبين
انتى مين ؟ يا حلوة مين ياريتنى لو شفتك زمان
قبال احس الكان علي قبال يكون الكان وكان
ماكت بضوى الدنيا بيك وازرع دروب الناس امان
ما انتى ضي لى كل زول زى القمر لمن يبن
حسيت جنبك يا ملاك انو العمر يادوب بدا
وعرفت انو الراح زمان فى لحظة بيكى بعوضا
زى زول مشى وللكعبه طاف ولاقي من مولي الرضا

اشيل الريد واشيل ودو واشيل نفحات عبير وردو
واشيلك في القليب نوار جميل ناير وفات حدو
مسافر سفرة المشتاق تخلي وراي ريدي بعيد
علي البعد اعاني بعاد كتير الشوق بدون تحديد
وراي ما بعرف الحاصل اريت الهاني يبقي سعيد
الون ليهو كل الشوق وارسلو ليهو باقة عيد
احملو كل نسمة تفوت توادع الغربة كل صباح
واحس في رجعة الانسام شعور احبابي كم ترتاح
امل راجيهو من بدري يتوج قلبي بالافراح
واعيد فرحا يرقص كون واطرز في خيالي وشاح
معطر بي شزي الياسمين عشان احبابي صار فواح
وما هاميني اصبح وين ولو في البعد القي جراح
كفاية احس بانو سعيد واعرف اني ذول مرتاح
ولو كان قلبو قاسي علي قساوتو تلاقي عندي سماح

وكتين يضيع عرق الجباه الشم شمار في مرقة
يا نورة آه
من دربك التور نفس خيل الصبر.. فتر خطاوي الشوق ورا
يا نورة آه
ساعة الشموس الغر تهضلم.. تلحق الصح في المغارب
يدفر الضو الكهارب .. تدفر المدن الضبابية السرابية الكآبة
حائط التيه والطشاشات فوق كفيف
ياام عوارض مو دعاشة ما ها شبورة وتقيف
جاي ليك يا نورة غيمة.. تملا ماعونك خريف
يملا عينيك ويفضل يروي جواك العطاشا
يا نفس فجر القصائد .. يا بلادي
القطع قلب الروادي .. باللواجة الجاي وغادي
دا ما هو صوتك… لاها صورتك
دي البترقش نادي فوق صدر الجرائد
انتي يا حضن الصحاري .. شفع العرب الفتاري
البفنو الشايلا ايدم .. ويجرو كايسين القطارا
لا سرابة صحرا موية .. لاحجار سلوم موائد
حالكم البصرخ وينادي
يا وطن عز الشدائد
يا وطن عند الشدائد
يا هدى الناس الحياري .. يا ندى الفجر الببلل .. نور عوينات الفقارى
جاي ليك يانورة .. آفة للدود البنتر فوق عشيماً داخرو فيك
أصلي لمان أدور اجيك .. بجيك لا بتعجزني المسافة
لا بقيف بيناتنا عارض.. لا الظروف تمسك بإيدي ولا من الأيام مخافة
يا نفس فجر القصائد .. مابهم في بعدي عنك
أصلي متغرب عشانك .. راضي بالجايني منك
ما شكيت شح الليالي .. ما بكيت نح شلتو حالي
رغم انواالحال بيفضح .. إلا كت في الحارة بصرخ
يا وطن عز الشدايد
يا وطن عند الشدائد
كلمات الشاعر : محمد الحسن سالم حميد

كيف ألقى سيد روحي و راحتي و هنايا
تهوى البعاد و أنا ليك اميل رغم العوازل يا جميل
كلك جمال محبوب خصال حلو الدلال صعب الوصال
حسدوني فيك أعداء الغرام دة المستحيل يجدوا المرام
حسدوني فيك أعداء الغرام دة المستحيل يجدوا المرام

كلو عشانك إنت
وسهري كلو عشانك إنت
تبريح الزمن طال بي..
صحاني من حلماً معاك يطول
اريتو يطول معاهو عمري..
اقضيهو اغني ليك واقول
واحكي ليك عن الحكاوي كتير..
وكيف بقت الغناوي رسول
تمش من داري شايله الشوق..
وتحلم بي كلام معسول
تعود بيهو لي انا الصابر..
وبي قسوة جفاك مكتول
يا احلى الناس امام نظري
انا بكتم في وانحي الشوق..
واهواك وإنت ما بتدري
ولو خاطرك تجافيني..
ببقى جفاك لي قدري
وبلقاك حتى في نومي..
وللا آخر مره في عمري
وألمي كلو عشانك إنت
وسهري كلو عشانك إنت

اسال نفسك بينك وبينا عن اخلاصنا
كيف تتجاهل شوقنا البينا
انت نسيت ايام ما كنا
نعيش الحب في عهده الاول
ياما كتير وكتير فكرنا
كنا بنحلم بالمستقبل
لكن فجاة بديت تتنكر
في ريدتنا بقيت ما تسال
قلبك رغم الطيبة الفيهو
انا بستغرب كيف اتبدل
فاكر الكلمة القلتها ليا
وانت في لحظة هنية سعيدة
اتعاهدنا علي الحنية
نقضي عمرنا محبة شديدة
ما قلت بريدك زي عينيا
وانا صدقت كلام الريدة
عارف قلبك وافي ومخلص
انك تقسي دة حاجة بعيدة
راجع نفسك ما تكون جاير
خلي حياتنا تعود لهناها
ما تحطم بايدك مصيري
والامال القلبي بناها
ومهما قسيت انا برضي بحبك
و ساعة عطفك بستناها
مهما يزيد انا في هجراني
برضي سعادتك بتمناها

ضاع صبري اين يا وصلي قلبي بنار الغرام مصلي
يا عقود امالي انفصلي وما بفيق من النويح اصلي
الف يوت كل ساعه ينقصلي فيك ضاع يا طيبه الاصل
ايه ده ليل والبدر واضحلي ام ده فيهك محيو فاضح لي
يا العيون عاد روقي واحلي كفي رمشك ده المجرح لي
لا ده من ده نار الصدود وجلي ويا معاني الشعر والزجل
هزي جيدك والخديد مجلي اجد الهلاك في الاعين النجل
ليك نسايم الشوق دوام رسلى في هو اك كم ضائعا مثلي
ما سليتك وانت كيف تسلي انا صرت ميت والدموع غسلي
ياليالي الهم تجمعلي فيما يانيراني تشتعلي
يا بدر بالله اطلع لي ويا سهيل ارجوك اسمع لي
اريني محيك تلك تلتع لي وتفني قامتي بالصدير تعلي
يا حمام بالله اسجع لي مالو ضايع في الخيال فعلي

ﺃﻥ ﺣﻤﺎﻣﻲ ﻧﺎﺡ ﺣﻤﺎﻣﻲ
ﻋﺸﺎﻥ ﻳﺎ ﺣﺒﻴﺒﻲ ﻣﺎ ﺣﻔﻈﺖ ﺯﻣﺎﻣﻲ
ﻟﻮ ﺣﻔﻈﺖ ﺯﻣﺎﻣﻲ
ﻭﺟﻴﺖ ﺟﻠﺴﺖ ﺃﻣﺎﻣﻲ
ﻛﻨﺖ ﻃﺒﺖ ﻭﺯﺍﻝ ﺇﺣﺘﻤﺎﻣﻲ
ﺑﺘﻘﺒﻴﻞ ﻗﺪﻣﻴﻚ ﻳﺎ ﺯﻫﺮﺓ ﻛﻤﺎﻣﻲ
ﺇﻧﺖ ﻗﺪﺭﻙ ﺳﺎﻣﻲ ﻟﻠﺜﺮﻳﺎ ﻭﺳﺎﻣﻲ
ﻫﻮﺍﻙ ﺍﺿﺤﻰ ﻭﺳﺎﻣﻲ
******
ﺍﻟﻌﻔﺎﻑ ﻭﺍﻟﺮﻗﺔ
ﻟﻲ ﺳﻴﺎﺩﺗﻚ ﺃﺳﺎﻣﻲ
ﻳﺎ ﺣﺒﻴﺒﻲ ﺭﺣﺎﻣﻲ
ﻣﺎ ﺃﺳﺘﻄﻌﺖ ﺍﺟﻴﺐ ﻣﻌﺎﻱ ﻣﺤﺎﻣﻲ
ﻳﺤﻤﻲ ﺍﻟﻔﺆﺍﺩ ﺍﻟﺤﺎﻣﻲ
ﺍﻟﺤﻤﻰ ﺍﻟﻤﻦ ﻧﺎﺭ ﻫﻮﺍﻙ ﺍﻟﺤﺎﻣﻲ
ﻳﺎ ﺣﺒﻴﺒﻲ ﻏﺮﺍﻣﻲ
ﻟﻲ ﺩﺍﻳﻤﺎ ﺭﺍﻣﻲ
ﻣﺘﻴﻦ ﺗﺠﻮﺩ ﺑﻤﺮﺍﻣﻲ
ﻳﺎ ﻋﺰﻳﺰ ﻳﺎ ﺻﻔﻮﺓ ﻛﺮﺍﻣﻲ
ﻣﻬﻤﺎ ﺗﺰﻳﺪ ﺃﻻﻣﻲ
ﺑﺮﺿﻮ ﻋﺎﺷﻘﻚ ﻳﺎ ﻧﻮﺭ
ﻧﻮﺭ ﻇﻼﻣﻲ
ﻭﺃﺧﺮ ﻣﺎ ﺃﻗﻮﻝ ﻓﻲ ﻛﻼﻣﻲ

ﻛﺘﺒﺖ ﻟﻴﻚ ﻻ ﺑﻴﻨﻲ ﺑﻴﻨﻚ ﺭﻳﺪﻩ ﻻ ﻗﺼﺔ ﻏﺮﺍﻡ .. ﺍﺧﺘﺮﺕ ﻟﻴﻚ ﺍﺟﻤﻞ ﺣﺮﻭﻑ ﻭﺍﺻﺪﻕ ﻓﻮﺍﺻﻞ ﻧﺎﺩﺭﻩ ﻓﻲ ﻟﻐﺔ ﺍﻟﻜﻼﻡ
ﻻ ﻗﺼﺪﻱ ﺍﻟﻬﻮ ﻣﻌﺎﻙ ﺑﻲ ﻛﻠﻤﺎﺕ
ﻏﻨﻰ
ﻻ ﺣﺮﻭﻓﻲ ﻟﻴﻚ ﻣﺮﺟﻴﺤﻪ ﻣﻦ
ﺷﻌﺮ ﺍﻟﻐﻤﺎﻡ
ﻭﻛﺘﺒﺖ ﻟﻴﻚ ﻭﺍﻟﻠﻪ ﻳﺎ ﻗﻤﺮ ﺍﻟﺰﻣﺎﻥ
ﺷﺎﻥ ﺟﻴﺘﻲ ﺑﻲ ﺯﻣﻦ ﺍﻟﻤﺤﻨﻪ
ﻭﺷﻔﺖ ﻓﻲ ﻋﻴﻨﻴﻚ ﺣﺲ ﺍﻫﻠﻲ
ﺍﻟﻘﺪﺍﻡ
ﻭﻛﺘﺒﺖ ﻟﻴﻚ ﻭﺍﻧﺎ ﺟﺎﻱ ﻣﻦ ﺯﻣﻦ
ﺍﻟﺸﻘﺎ
ﻣﺮﺳﻮﻡ ﻋﻠﻰ ﻭﺵ ﺍﻟﺜﻮﺍﻧﻲ
ﻣﻈﻠﻼ
ﺗﺘﻤﺪﺩ ﺍﻟﺴﺎﻋﺎﺕ ﺳﻨﻴﻦ
ﺗﺘﻔﺘﺢ ﺍﻻﺣﺰﺍﻥ ﻏﺮﻳﺒﻪ ﻭﻣﺬﻫﻠﻪ
ﻭﺍﺷﺘﺎﻕ ﺍﻓﺘﺶ ﻧﺴﻤﻪ ﻓﻲ ﺍﻟﺰﻣﻦ
ﺍﻟﻌﺬﺍﺏ
ﻭﺍﻳﺎﻣﻲ ﻣﻦ ﻛﺘﺮ ﺍﻻﺳﻰ ﻭﻛﺘﺮ
ﺍﻟﻌﺰﻭﻑ ﻭﺍﻻﻏﺘﺮﺍﺏ
ﺻﺎﺭﺕ ﺣﺮﻭﻑ ﻣﺘﺮﻫﻠﻪ
ﻛﻠﻤﺎﺕ ﺍﺳﻴﻔﻪ ﻭﻣﻬﻤﻠﻪ
ﻭﻛﺘﺒﺖ ﻟﻴﻚ ﻭﻛﺘﺒﺖ ﻟﻴﻚ
ﻭﻭﻗﻔﺖ ﻟﻴﻚ ﻻﻣﻦ ﻟﻘﻴﺘﻚ ﺟﺎﻱ
ﻓﻲ ﻗﻠﺐ ﺍﻟﻄﺮﻳﻖ
ﻭﻟﻤﺤﺖ ﻓﻴﻚ ﺭﺍﺣﺔ ﺍﻟﻤﺸﺎﻭﻳﺮ
ﺍﻟﺒﻌﻴﺪﻩ
ﻭﻟﻔﺤﺔ ﺍﻟﻨﺴﻤﻪ ﺍﻟﺤﻨﻴﻨﻪ ﺍﻟﺠﺎﻳﺔ
ﻣﻦ ﺟﻮﻑ ﺍﻟﻤﻀﻴﻖ
ﺣﺴﻴﺖ ﻋﺠﺎﻳﺐ ﺍﻟﺪﻧﻴﺎ ﺍﺗﻠﻤﺖ
ﺑﻘﺖ ﺟﺎﻳﺎﻧﻲ ﻣﻦ ﻋﺼﺮ ﺳﺤﻴﻖ
ﻋﻴﻨﻴﻚ ﺣﺲ ﺍﻃﻔﺎﻝ ﺑﻨﺎﺩﻭ
ﺍﻟﻘﻤﺮﻩ ﻟﻠﻐﺎﻳﺐ ﻳﻌﻮﺩ
ﻭﺟﺒﻴﻨﻚ ﺍﻟﻀﻮﺍﻱ ﺣﺠﺎ ﺣﺒﻮﺑﻪ ﻓﻲ
ﺍﻟﺰﻣﻦ ﺍﻟﺴﻌﻴﺪ
ﻳﺎ ﻗﻤﺮﻩ ﺍﻗﻠﺒﻲ ﺍﻟﺴﻨﺴﻨﻲ ﺍﻟﺤﻤﺮﻩ
ﺷﻮﻓﻲ ﺍﺑﻮﻱ ﺟﺎ ﻭﻟﻪ ﻣﺎ ﺟﺎ
ﻭﺍﻧﺎ ﻓﻲ ﻗﺴﺎﻭﻩ ﺍﻟﺰﻣﻦ ﺍﻟﻤﻮﺣﺶ
ﺍﻟﻤﻜﻬﺮﺏ ﺑﺎﻟﺤﺮﻳﻖ
ﺍﻧﺎ ﺣﻴﻠﺘﻲ ﺍﻳﻪ ﺍﻧﺎ ﺣﻴﻠﺘﻲ ﺍﻳﻪ ﻗﻮﻝ
ﻟﻲ ﻳﺎ ﻗﻤﺮ ﺍﻟﺰﻣﺎﻥ
ﻏﻴﺮ ﺍﺗﻜﻲ ﻭﺍﺣﻠﻢ ﻣﻌﺎﻙ ﻭﺍﺣﻀﻦ
ﺍﻣﺎﺳﻲ ﺍﻟﺼﺤﻮ ﻭﺍﻻﻣﻞ ﺍﻟﺒﺮﻳﻖ
ﻗﻮﻟﻲ ﻟﻲ ﻳﺎ ﻗﻤﺮ ﺍﻟﺰﻣﺎﻥ ﺍﻧﺎ
ﺣﻴﻠﺘﻲ ﺍﻳﻪ ﻗﻮﻟﻲ ﻟﻲ ﻳﺎ ﻗﻤﺮ
ﺍﻟﺰﻣﺎﻥ

أقابلك في زمن ماشي وزمن جاي وزمن لسة
بشوف الماضي فيك باكر
أريت باكر يكون هسة

وقصر طول مشاويرنا
ورقش بالفرح جلسة على النيل
والقمر مرات يبين في الموج ويدسة
ونحن نقابلو زي طفلين
كلامم كلو بالهمسة
وزي عصفورة قلبها دابو حنة
وبالولف حسَّ

أي عيون بتتقابل
إلا عينيكي ما بتتفات
في عينيك بتوه
كيفن في حلاة البسمة في القاسيات
وعطر الصندل المستني
يفرح بيكي فرحتو جات
وحاتك خلي منو شوية
شان يتكاحل السمحات

فيديو من حفلة البلابل فى مهرجان الموسيقى السودانى بشيكاغو الولايات المتحدة