التصنيف: اغاني

داوي الجراح يا دمعة خففي للأسى .. داوي الجروح الفينا صبحت نازفة
طبع الحزن عمق الجراح .. فقد الأنامل العازفة
واحلى الكلام
رحل النعام الليله وووب
رحلت مع اوتار الكان قليبو موالفة……
فقد الشمال زولا ولوف حضن القوافي وصنفا…..

جارو اهلك وجورم أمـر
بالبعـاد والأمـر الأمـر
في ديارم حجبـو القمـر
البديع الساحـر الفكـر
بالجمال والحياء إنشكـر
حسنو يرمي الزول في وكر
شوفتو تسكر من غير سكر
للقلوب ياصاحي إحتكـر
كي يخلف خالـد الذكـر
مفخر الأجيـال والدهـر
حسنو أعجب على ماظهر
في خدودو الحياء إزدهـر
والطبيعه تناجـي الزهـر
تدي منظر جـذاب بهـر
زي نجوم السماء في النهر
نـورو للبدريـن إحتقـر
البهيـج النضـر الاغـر
يـزدري البـراق بالثغـر
المحشـم مـن الصـغـر
منّو كل الناس فـي بغـر
فيه شارد الحسن إستقـر
من عيونو كيـف المفـر
كم بأفئده وأعيـان ظفـر
محيو فيـه البـدر السفـر
وجيدو جيد الظبي النفـر
كل عهد الحسـن الوفـر
زول ويوزن مليون نفـر
حبي هاك القـول الأبـر
والعيان يغنيك عن خبـر
كم نظرت في دهري العبر
نظرة الـي الحيـاة إعتبـر
الجزع في الناس والصبـر
شفنا طوع القضاء إنجبـر
لو بحجبو الأمـر الصـدر
مابحجبوا دمعي اللنحـدر
كل شي إن صفا أو كـدر
في أيادي القضـا والقـدر
أما دهري إن صد أو غدر
البعرفـوا الوفـاء مانـدر

لشاعر / محمد علي عبدالله

الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل
العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
القمر بوبا عليك تقيل
الصغيرون الما كبير
الرقيبة قزازة عصير
السنون براقن يشين
العيون متل الفناجين
مابتحش قشة تناقير
مابتشيل جردل على الزير
الزراب فوقا تقول حرير
شتتي شبار يامضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل
الجزير ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سالمة
يا غرق يا جيت حازمة
القمر بوبا عليك تقيل
القديما قديما الحمام
الوديزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل
الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل
الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
معزباني انا ود حلتا
القمر بوبا عليك تقيل
الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل
الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل
بحر الدمير العض ونزل
مرة يسقي الفل والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل
المبارك شيخ الضهر
العليك ساسكت وفتر
قلي جنيت ولا دستر
واي أنا المرضان مكنتر
جابو لي حكيم خير وشر
قلي يا زول مرضك كتر
سببك كم شلاخا خضر
القمر بوبا عليك تقيل

الليله ليك كم ليل ويوم
ولهان سهرانه النجوم
في سيل دموعك عايمه عوم
لاشايفه زول لا لاقيه نوم
ياعيوني ايه الكان هداك
تتشابي لي شوفة الملاك …

ازاك يا عيوني جزاك
درتي السهر لي روحك براك

ﺑﺘﺨﻴﻠﻚ ﻛﻞ ﻣﺎ ﺍﻟﺼﺒﺎﺡ ﻃﻞ ﻭﺑﺪﺍ ﺑﺘﺨﻴﻠﻚ
ﻓﻲ ﺯﺭﻗﺔ ﺍﻟﺴﻤﺎ ﻭﺍﻟﻤﺪﻯ
ﻛﻞ ﻣﺎ ﺍﻟﻐﺮﻭﺏ ﻟﻮﻥ ﺧﻮﺍﻃﺮﻱ ﻭ ﻫﺪﻫﺪﺍ
ﻭﻛﻞ ﻣﺎ ﺍﺑﺘﻬﺠﺖ ﻭﺑﻠﻞ ﺍﻋﻤﺎﻗﻲ ﺍﻟﻨﺪﻯ ﺑﺘﺨﻴﻠﻚ
ﻳﺎ ﻛﺮﻧﻔﺎﻝ ﺣﺰﻧﻲ ﺍﻟﻤﻀﻰ
ﻟﻤﺎ ﺍﻟﻨﺠﻮﻡ ﺗﻐﻔﻰ ﻭﺗﻨﻮﻡ
ﻭﺍﻧﻜﺴﺮ ﺧﺎﻃﺮﻱ ﻭ ﻳﻤﻮﺕ ﻓﻴﻨﻲ ﺍﻟﺮﺿﺎ
ﺑﺘﺨﻴﻠﻚ ﺯﺣﻤﺔ ﻓﺮﺡ ﺗﻤﻠﻚ ﺣﻮﺍﺳﻲ ﻭ ﺗﺒﻬﺠﺎ ﻭﻧﺠﺪﺓ ﻏﺮﻳﻖ
ﻳﺘﻼﺷﻰ ﻓﻲ ﺟﻮﻑ ﺍﻟﺪﺟﻰ ﻻ ﻗﺮﺑﻪ ﺳﺎﺣﻞ .. ﻻ ﺟﺰﺭ … ﻻ
ﻃﻮﻕ ﻧﺠﺎﺓ
ﺑﺘﺨﻴﻠﻚ ﻟﻤﺔ ﺻﻐﺎﺭ ﻭﻧﺴﺔ ﻭ ﺣﺠﻰ ﻭ ﻗﻤﺮﺍً ﻃﻠﻊ ﺿﻮﻯ
ﺍﻟﺪﺳﺎﺗﺮ ﻭ ﺑﻬﺮﺟﺎ
ﺑﺘﺨﻴﻠﻚ ﻓﻲ ﻛﻞ ﺷﻲ ﻟﻤﻦ ﺍﺑﺎﻟﻎ ﻭﺍﻧﺘﺸﻲ ﻟﻤﺎ ﺗﺨﺬﻟﻨﻲ
ﺍﻟﺨﻄﻰ ﻭ ﻳﺄﺑﻰ ﺍﻟﻤﺸﻲ
ﻭ ﺑﺘﺨﻴﻠﻚ

لانك عندى كل الخير
وجيهك فرحة الدنيا
ودواخلك زى شعاع النور
عرفتك وكنت زى شفتك
قبل القاك
وزى انك بتنبعي من فرح جواى
تمسحي عن رؤاى الضيم
وتضحكي للزمان الجاى
وتتفجر مسامك ضي
مع الصبح الغشانا شوى
كأني معاك كائن حي
كأنو صفاك كأنو الحل
افارقك والعمر عندك
زهيراتاً غشاها الطل
واحاسيسك بتتكمل
غنيواتك بتتبارك مع
الايام وتتجمل
افارقك والزمان اجمل عشان
تشعل ملامحي ضياك كل مانجيمه
تتحول
وشان تفضل ملامحك فيّ زى ماكنتي في الاول

بشوف كل حاجة في الدنيا……بتمشي مع الزمن تكبر
الا الشمعة لما تدور تفارق الليل…..تكون …. اصغر
تّنزل دمعة فوق دمعة…..ودموعة الحارة…..تتقطر
وانا المجبور…..علي الشمعة اقول اطفيها..مابقدر
—
لما تنور الشمعة…. تخلي قلوبنا……….مجتمعة
ماتأذوها يوم أوعة……….عشان ماتظلم الروعة
نحنا الشمعة بنريدها…….أإصلها روعة الروعة
وعشانه الشمعة سهرانه……تحرق ليله في اللوعة
—
تغالب الشمعة..ظلم الريح…حرام تقضيه ليلها نويح
كم ضوت مع الافراح…وكم هنت حزين وجريح
ماأصلو الشمعة فنانة…..تخلي الكون جميل وفسيح
لي الليل الطويل هي دليل….ولي القلب العليل بتّريح
—
طبع الشمعة بتريح……….عشان ماتفرح الحبان
كم شالوها للحنة…….. وكم ضووها للعرسان
بعد ماكملت نورها……….مشو خلوها للأحزان
وديمة الشمعة مظلومة……ويجهل قدرها الانسان

يانجوم اليل اشهدى على لوعتى وتشهدى على بكاى وتنهدى من ليه حسن الكون هدى النافر الجافى الهدى ياعينى يوم تشاهدى اقرئ الكلام واستشهدى ياعينى دمعى بلدى وقول العوازل جمدى انا لى غرام يامعاندى فى زهرة الخد الندى على بكاى وتنهدى ياعينى ابقى ترصدى عسا توجدى ماتقصدى مهما جرح قلبى الصبى هو برضو غاية مقصدى قمر الحمانى تهجدى وتركنى فاقد منجدى ااه من صفارو العسجدى وعينومتل عين الجدى على بكاى وتنهدى يانجوم الليل

سوداني يعاني من الغربه ويعزف اجمل الالحان

بيك غرامي و احترامي رسولنا ، صلاتي ثم بعدو سلامي علية أفضل الصلاة و السلام ..

ياسايق الفيات عج بي وخد سنده
بالدرب التحت تجاه ربوع هند
***
بوصيك قبل تبدأ سيرك
داك طريقك سابق الرَبْدة
منك بعيد جَبْدَة حي هند
المرام عج بي ربوع عبده
شوف سياق الفيات الليلة كيفن هاش
والشجر الكبار بقي شوفنا ليه طشاش
قول لى دحين وين ماش
فارقت الطريق إتيامن الرماش
***
شق حشا الطريق واتيمم الحلال
زفنه الكلاب مانالن إلا علال
باقيات ثواني قلال
بينك والغروب داك مشرع الشلال
***
أطوي الارض واضرع
ومن أفكارنا سيرك يا الفيات أسرع
ميل علي المشروع
لا تريع القطيع وتجفل الأدرع
***
شوف النهر مار بخشوع تفول مجسان
كما مر المنام في مقلة النعسان
جلت قدرته ما اظلم الانسان
كم ينسي الجميل كم يجحد الاحسان
***
مانفرن تقول سايق الكلام إلفه
عطشان قلت ليهن وصحت البلفه
مافيش كاس قريب قالن دون كلفه
تشرب من كفوفنا لم تتكفي

صباح النور عليك يازهور
صباحك يوم يقاس بدهور

يالزهر الفي رياض وزهور
في خدرك وحسنك مشهور
هلال محياك المابي ظهور
هلال ماهلت مثله شهور

****

زاهر طاهر ما المغرور
عليه جناح الرضا مفرور
صباحه سعادة وكلو سرور
جماله يغني عليه سرور

****

نظرتك جالس بين خدور
بدري حداك أنكسفوا بدور
تفوق نيشان ممتاز في صدور
العظما ء المثلوا أعظم دور

****

جلاله جلال ملكاً منصور
دلاله دلال مقصور في قصور
فيه جمال الكون محصور
بديع ماشافت مثله عصور

****

يلوح للعين من نورك نور
شعاع الشمس على البلور
جهرت عيوناً كفاك يانور
قلوبنا رميتن في التنور

****

فريد حسنك ودلك موفور
وأنا دمعي يجر مجرى البسفور
تزيد في عناد ودلال ونفور
وبرضي أقول ذنبك مغفور

****

أيا صاحب الطرف المكسور
كسرت قلب شجاع وجسور
تتجاهلني وأنا بيك مأسور
حسابي معاك بقى كله كسور

الوافر ضراعو
الوافر ضراعو أمنتو الرسول
مأمون الوداعه برد دار أبوه

غنى يا الهويده
لود البها وجري لي القصيدة
شال السوط عرض دالي اخو الفريده
إنترو يا حنيات ميس اخوي بعيده

تغنى لي الفى جرفو
لود البها والخلوق بتعرفو
شال الصوت عرض يا جنيات انصرفو
نمر العبدلاب الما بيرجف كتفو

غنى يا سلكوكه
جر النم عليه وخنقى الدلوكه
انت يا الأصم يا الما بحمسوكا
يا ضريب الدم تنزل فوق عدوكا

غني وشكريه الليلة يامسرة
حنضل القيزان الفي حلوقنا انشره
ساعة السيف برق والفرسان في زره
نادوا لي حسن من جزاير بره

تغنى الرحمه قالت
يا قشاش دموعي العلى سالت
وقت الحاره جات والفرسان ان جالت
نادولى الحسن تومى الحاره دارت

فهمك مو دراسه
يالنيل الطمح كسر التُّراسه
وقت الصح وقع والفرسان تتواسى
برد دار ابوك تضرع ضحوى ناسا

فهمك مو قليل
يالهامه اب زنود فى السموم تقيل
يا رحل الكحل بالشضاض تميل
جيت يا خيرنا قش دمعى البسيل