التصنيف: اغاني

يا مسافر بعيد بعيد
غاب ساب الحبايب
وين ليلاتنا ديلك
و دنيا الريد عجايب
الله يصبرك
يا قلبي من حالتك الفوقك
الله يصبرك
كل ما يمر صباح
زايد عليك شوقك
،،،،،
الزول كان حنين
لابد بيلاقي
يوم بين السعادة
و يوم أحزان تشاقي
الله يصبرك
يا قلبي من حالتك الفوقك
الله يصبرك
كل ما يمر صباح
زايد عليك شوقك
،،،،،
تقلان طول سنيني
مالي الليلة خايف ؟
حاسس بي ضميري
لي أقداري شايف
الله يصبرك
يا قلبي من حالتك الفوقك
الله يصبرك
كل ما يمر صباح
زايد عليك شوقك

حبيب قول لي راجع
راجــع لــيا تانــي
تبدأ معاي حياتي
تبني معاي أماني
أهديتك محبهـ
خالده مع الزمان
ومن خفقات ضلوعي
وهبتك كل حنــان
ليهـ تنكر هوآي
تنسي البينا كان
وين زمن المحبهـ
وين غالي العهود
وين شريك حياتي
وين أملي الودود
أنا ماذلت أمل
تعطوف يوم تجود
بكرهـ الدنيا تفرح
لما تعودي ليا
والكون يبقي بهجهـ
ناير فــي عنيا
يعود الماضي تاني
يزيد الحب عليا

زيدني في هجراني في هواك يا جميل
العذاب سراني على عفافك دوم و سيبني في نيراني

لمتين تطراني أنظرك في النوم جوز نواعسك رآني
طرفي أقصدي يراك و ما قصدت تراني
و ما بسيب حبك و الله لو ضراني

يا نعيم أزماني يا حياة روحي و يا بهجة أمدرماني
في الحياة غيرك مافي زول هماني
في بعادك أزاي في وصالك أماني

بلبل الأغصان غنى بذكراك و بالنوح أوصاني
بالجمال خصاك و بالعذاب خصاني
و الدلال أوصاك على الدوام تعصاني

زهرة البستان تحكي بسمة فاك و طرفك الفتان
حين نسيم الليل يمر برايح أتاني
زاد عليا الشوق و دمعي سال هتاني

مال فريعك بان فيه و فيه ردفا باني
من لحاظك صارم بالهلال انباني
بين نعاس عيناك الكحلهن رباني

يا درر ألحاني يا أزاي و دواي يا راحي يا ريحاني
أنت نايم و أنا ألم البعاد صحاني
حن على غرامك و الله كاد يمحاني

المنام جافاني من جفاك يا حبيب صبري أصبح فاني
لو أشوف شخصك في المنام يلفاني
كان طلع سعدي و الزمان صافاني

في جمالك تاني يا فريد الحسن الما إتوجد ليك ثاني
لو جميع الشعراء يرووا فيك مثاني
لم يحضروا ثناك ال فاق لكل حساني

لو بايدى كنت طوعت الليالى
و كنت ذللت المحال
والامانى الدايرة فى دنياى ما كانت خيال
دى الارادة
ونحنا ما بنقدر نجابه المستحيل
والمقدر مابنقدر نجيب ليه بديل
اجبرتنى فى هواكم من قبيل
غصباً عنى وغصباً عنك
انت حبيتنى وهويتك
آه لو بايدنا من زمان كنت خليتنى ونسيتك
والنهاية انت عارف وانا عارف
لو بايدى كان هديت
اصلو حبى اقوى واكبر من ارادتى
وانا حاسس فى جحيم نارك سعادتى
واللهيب البكوى فى روحى فى ذاتى
هو انت قلبى دايرك حبى عارفك
فى شبابك فى صباك
فى جمالك فى وفاك
يالمسير وماك مخير
انت ياصابر وعند الله جزاك

منعوني الحب الحلال حرموني من الوصال
…………………..
أنا اااااااااااااااه
منعوني نور العيون
منعوني زهر الغصون
منعوني أنا مابخون
لحبيبي روحي بتهون
………………..
أنا اااااااااااااااااه
منعوني والحب شديد
وفؤادي تعبو بيزيد
ياربي انت الشهيد
غير ريدو مالي ريد
…………………
أنا اااااااااااااه
منعوني عطر الورود
منعوني خلي الودود
لكن لابد تعود
في غيابو او بالوعود

ناس قراب منك عرفوا سر حزني
أسألهم عنك قالوا ماسمعوك تسألم عني

قالوا فى تيهك تحيا هاني سعيد
زى كأني معاك ما كأني بعيد
ومره ما سمعوك تطرا عهد الريد

ناس قراب منك أسألهم عنك
قالوا شايفنك تقضي اوقاتك فى هناء وحبور
وابكي حرماني وانت هاني غرير

يا حليل حبك لما كان صافي
وينو لي قلبك لما كان وافي
وكنتا حاني عطوف كيف بقيت جافي

زاد الشوق علينا ليه ياغالى تسمع زاد وزاد علينا ليه ياغالى تسمع ترحم حال قلوبنا و عشان خاطرنا ترجع عشان الريده ترجع زاد الشووق علينا ما ترحم قلوبنا عشان الريده ترجع ارجع للمعذب بعد طوول الليالى سيرتك فى خيالو انت عليهو غالى لو قلبك يحن يشتاق لى وصالى لو قلبك يحن يشتاق لى وصالى دا يوم السعاده واملى فيهو بفرح عشان الريده ترجع ارجع لليالى وللامل البنيتو ما ممكن اصدق فى لحظه تكون نسيتو القلب البريدك بدون اسباب جفيتو القلب البحبك فى نارو يتوجع عشان خاطرنا ترجع زاد الشوق علينا زاد و زاد علينا ارحم حال قلوبنا عشان ريدتتنا ارجع عشان الريده ترجع

أنــا فــي الـتـمني ديـمـه هـديلي سـاجع
مـا لـقيت لـي مـغيث ولا لـقيت لـي مـراجع

داير أشوف حبيبي اليوم داك شفته رايق ودمعه ناقع
أســود شـعـره حـالـك أمـا صـفاره فـاقع
تـتـلاصف خــدوده لا حـجـاب ولا بـراقـع
أشـوف لـعسو ونـواعسو جـل الـباري صانع
أشـوف فـي خـده شخصي وفي صدري المضارع

يـفـر خـيت بـسـمه يشبه بـرقـاً لـيـله هـاجـع
يـرفـع لــي رشـاشـه يـسبل نـظره واقـع
دايــر أشـوفو غـافل ودايـر أشـوفو جـاذع
محنن دون قنله وحدو وتوبو واقع
يـتـغطى بــي سـواعده ويحنو كـانه واجـع
ويلتجى بى مرافقه واطراف المضاجع
وتتلب فوق شفاهه لؤلؤة المدامع
يــردد لــي نـغـيماً تـشتاق لـي الـمسامع

أعـاين فـيه وأضـحك وأجـري وأجـيه راجـع
مـتـلاعب لـيـس إلا مــا مـوضوع مـطامع
أقـيـس بـالليل بشـعره ألـقى الـفرق شـاسع
اقيس الفم بودعه القى الودع واسع
دي مــا بـيـلقاها زول زي صـيـده نـاجـع

الفنان محمد النصري في برنامج مع النصري على قناة الشروق – رمضان 2014
الحلقة الثانية 30.06.2014
زي النار حبيبي – كلمات الشاعر عاطف خيري و الحان عبدالعظيم محمود منصور و غناء الفنان محمد النصري

غني يا قمري غني واسمعني
في حبيب عمري وصفك المقري
غني يا قمري وأشدو بالنجوى
غني للدنيا للغرام غنوى
غني قول لينا عن أمانينا
قول أغانينا والنغم يسري
طير مع النسمة وامشي ناديهو
غني للبسمة والجمال فيهو
قول لي ياروحي أنت في روحي
اضحك ادفيني لونك الخمري
غني يا قمري وأشدو بالنجوى
غني للدنيا في الغرام نشوي
قلبي يا قمري زاد في اشو اقو
امشي يا قمري قول للعشاقو
انت بتزورو انعشو زهورو
تلقي مرمور من لقاك احرن
غني يا قمري غني و اسمعني
في حبيب عمري وصفك المغري
غني يا قمري وأشدو بالنجوى
غني للدنيا في الغرام نشوي

رماز ميرغني – اخلي – قناة النيل الازرق – عيد الاضحي 2014

قـلبي هـمالو خـديدك وجـمالو
مـعذب فـي هـواك مـالو
بـدر حـسنك لاح والـقليب مالو
لي هواك وشوق قلبي عمالو
يافريع ياسمين متكي في رمالو
قولي عاشقك وين ضاعت آمالو
شـعره حـاك الـغيم حاجبه هلالو
فر بسمه غيم والبروق لألو
مـافي مـانع لـو مـوتي حلالو
نهدو جوز تفاح صدره لو لالو
الشادن المحكول قلبي يصبالو
وأخشى من لحظه ومن رمي نبالو
كـم جـريح لـسهام عينه ضاربالو
وبيه لايدري ولا علي بالو
الـجوهر الـفردي الـما إتلقي مثالو
ليه قلبي يلين وقلبو يقسالو
حبه صبحني وحسنه مسالو
غير رشيم في خدوده دموعي ماسالو
خصره ناحل زاد جسمي إنحالو
طرفه ناعس نام وطرفي يصحالو
الـفريع الـلان دمـعي سحالو
يانسيم أرجوك شوفه كيف حالو
فـي الـنجوم مرفوع مجده يبنالو
بين سماك أعزل حظي مانالو
وحـرسه حـولو يدور إستعدالو
والبدر لو غاب يضوي في بدالو

بـــدور لـــو مـــــرة نتـقـابــل حـــبــيــب روحــى و اراك لامـــع

اوجــــه نــظــرى لمحيـــــاك و اجـــد مـــن هيــــــــــبتك مــــانع

احــــاول وطــــرفى يتخــاذل و ارجــــــع امـــــــــجــد الصــانع

روحـــى تـــتـــوق وتــتلـبس لنـــــفــــــس ثــــبـــــت الخـــالق

فـــمــأ روض نـــبــت غـصنا يمــــاثـــل غــصــنك الــيـــانع

ولا عـــــــيـــنا رأت قـــــــدا رشـــــــيـق زى قــــــدك الــــــرائع

فــى بــســتانك بـــفـــسـتانك تــمـــشــــــــــى هــويـــنــة الخاشع

وتــقـطــف زهــــرة صـفراء تــمـــــــــــــــاثل لــــــونك الــلامع

تـفوح مـن عــطرك المخمور روايــــــح تـــــغـــــمـــــر الــشارع

ومـــــــــن رطـــــب النسـيم اذا مــــــــــــا كـــنــــت بـــتطالع

تــــنـام فــى ضــرى الكـثيب راصــــــــد بتـــوب شفافك الناصـع

مـلـمع يــرقــش العسـعس تـــســريـــحة الـــصــانع الـــبارع

نــــوم الــعـافية يا الغــافى تــعــــيــــش لــى ســــعدك الــطـالع

طــــلبــت الــحظ لا يبارحك اجــــــــابـــنـــــى بــرغبة لا مانــع

الفنان محمد النصري في برنامج مع النصري على قناة الشروق – رمضان 2014
الحلقة العشرين 18.07.2014
حلقة الشاعر محمد الحسن سالم حميد الجزء الثاني

في القلوب بالحيل زرعناك ..كلو زرعه وليها آفه
لانسيتي ولانسيناك..نحن آفتنا المخــــــافه
خوف غزالاتن ترمرم تاركي امنها لي زرافـــــه
بينا بين الآخره تغفل ولا تسرح في وقافه

خوفه الناس المساكين التخـــــاف من دم رعافه
ماب تورط روحا في دين في وش الدنيا وجزافه
وانتي عارفي البدخلو الخوف لامشافي ولاخلافه
ماب تعالج المطوي في الجوف مستحيل يرجع معافه

يانفس خليك في حالك عــــابره وينك وين سلافه
عــــــابره غارت قبل ذلك من عيونا مها الرصافه
يانفس ماشفتي حالك عــــــابره لامن حان قطافه
بين سبيبه الداجي حالك قمـــــره في ليله زفافه

ياسلام ياالمافي زيك لانقيصه ولا اضــــافه
مارايت فد واحدي زيـك إيدا فوق قلبه وعفافه
برجوك يوم نشر طيك لي قلوبا الله شــــــافه
وإنبهل في الداره ضيك بكم الحاضرين مسافه

ذي طويراتن يضجن في المغارب زاد هتافه
وفجأه يتبهتن يصنن لو عبر شيتن أخـــافه
اما روحي..طرت قديمه محنته وريعان جفافه
محنه العامل جريمه وينزهل بعــد إغترافه

محنه العود المسوس في بنا الارضه وتلافه
محنه شقيش مااميس تلقي ماتمه إكتشـافه
عنكبوت احزاني ينسج كمسد الافــراح لفافه
بي حلات الــروح ترفس مابي تنفك من كتافه

لحظه فيها الماضي كلو مره بي ازهاني طافه
لما كانت عابره فيهو فاقت النسام لطافه
لما كانت بي رؤؤفه خضره بالجيهتين ضفافه
واي قصه ريد اشوفا القي صورتا في غلافه

عابره كانت ليا جنه جاها طايف ربي طافه
واصبحت بين يوم وليله كالصريم واضح نشافه
ياالعذاب الغير يهمك يااقل الناس نحافه
عشان تبر في الآخره امك خل موازينك خفافه

باكر تجي وشايل الندم.. تتمني لو ارجع واجيك
بأعلي صوتي بقولا ليك.. زمنك خلص راحت عليك

جايني مزلول بي الدموع فاكرني برجع ليك احن
اهون عليا اموت وراك من ترجع ايامي وتحن
شفت العذاب وياك سنين كمل الحنين جواي اظن
من وين اجيب ليك الوداد وانت الكتلتو وكت مشيك

ما كنت تلعب بيا ساي مالك رجعت اشتقت لي
مالها الظروف ضاقت عليك في العتمه جيت كايسني ضي
انا ما انا الزول الرخيص ماني البهون تتسلي بي
انا قلبي اكبر من دموع وفر دموعك وسيب حكيك

ندمان تقلب في المحن دايرني ابقالك دليل
ارجع واخدك لي الفرح وانت السقيتني دموع قبيل
معليش ومتأسف شديد والله موش لو جيت ذليل
لو جيت تبوس رملة خطاي برضو المحنه خساره فيك