التصنيف: اغاني

العيون النوركن بجهرا غير جمالكن مين السهرا
يا بدور القلعة وجوهرا
السيوف الحاظك تشهرا علي الفؤاد من بدري انهرا
اخفي ريدي مرة واجهرا نار غرامك ربك يقهرا
عالي صدرك لي خصرك ضرا في جوز رمان جل البرا
الخطيبة وردفك منبرا الشعور البسطل عنبرا
الصدير اعطافك فترا والنهيد باع فينا واشترا
الوضيب اقدامك سترا لقطيهو قلوبنا البعثرا
صيدة غيرك ايه الجسرا تستلم افكارنا وتأسرا
حال محاسنك مين الفسرا يا الثريا الفوق اهل الثرا
جارحة صالح كل ما يحضرا وفي مدينة الجوف ساكن الضرا
الرشيم والرشمة الخضرا زي فريع في موية منضرا
هل حبيبي نسي ام لي طرا يا ام شلوخا عشرة مسطرة
النسايم بالند عطرا ده الدفق لي دموعي ومطرا
حفلة يا ابو الحاج اتذكرا ورنة الصفارة اتفكرا
وهبة بي مزيكتو اتحكرا كم طرب افكارنا وسكرا
البدور النارت مسفرا قاصدة تشتري قلوبنا تسفرا
عبد الرحمن دمت بتظفرا بي نعيم وحظوظ متوفرا

أخوي الﻣﺎ ﺑﻨﻘﺪﺭ …. ﺳﻴﻞ ﺍﻟﻮﺍﺩﻱ
ﺍﻟﻤﻨﺤﺪﺭ
***********
ﺍﻟﻠﻴﻠﻪ أخوي ﺟﺎﻛُﻢ ﺣﺎﻳﻢ
ﺻﺎﺣﻲ ﻣﺎ ﺑﺘﻠﻘﻮﻩ ﻧﺎﻳﻢ
ﺷﺎﺩﻯ ﺍﻟﺨﻴﻞ ﺃﻣﺎﺕ ﻟﺠﺎﻳﻢ
ﺃﺳﺪ ﺍﻟﺨﺸﺶ ﺃﺏ ﻗﻮﺍﻳﻢ
ﻫﺎﺷﻚ ﻓﻮﻕ ﺃﻡ ﺗﻤﺎﻳﻢ
********
ﺍﻟﻨﻴﻞ ﺍﻟﻌﻢ ﺍﻟﺘﺮﺍﺳﻪ
ﺍﻟﺒﻠﻴﻎ ﻣﻦ ﻏﻴﺮ ﺩﺭﺍﺳﻪ
ﺧﺎﺗﻨﻠﻨﻮﺍ ﺍﻟﻨﻈﺎﺭﻩ ﻭﺭﺍﺳﻪ
ﺷﺪﻭﺍ ﻟﻴﻪ ﻋﻠﻰ ﺃﺏ ﺟﺮﺍﺳﻪ *
ﻭﻗﻔﻞ ﺃﺑﻮﺍﺏ ﺍﻟﻔﺮﺍﺳﻪ
******
ﺻُﺪ ﻳﺎ ﻋﺎﺯﻝ ﻭﺇﻧﻘﺮﻉ
ﺩﻩ ﺍﻷﺻﻞ ﻭﺍﻟﻨﺎﺱ ﻓﺮﻉ
ﺍﻟﻮﺍﻓﺮ ﻣﺎ ﺑﻨﻀﺮﻉ
ﺳﻴﻔﻪ ﻭﻛﺘﻴﻦ ﻳﻨﺸﺮﻉ
ﺑﻴﺎﺧﺪ ﺍﻟﺰﻭﻝ ﻭﺍﻟﺪﺭﻉ
******
ﻣﺎ ﺷﻔﺖ ﺃﺧﻮﻙ ﻳﺎ ﺃﻡ ﺳﻤﺎﺣﻪ
ﺍﻟﻌﺎﺻﻴﺎﺕ ﻛﺴﺮ ﺟﻤﺎﺣﻪ
ﻋﻴﻨﻪ ﻟﻠﺒﻌﻴﺪ ﻟﻤﺎﺣﻪ
ﺍﻟﺨﻴﻞ ﺍﻟﺸﺒﻜﻦ ﺭﻣﺎﺣﻪ
ﺷﺎﻓﻨﻪ ﻭﺻﺪﻥ ﻗﻤﺎﺣﻪ
******
ﻣـــــﺎ ﺗﻬـــــﻤــــﻮﻙ ﺑﻨﻤــــــﻴﻤــــﻪ
ﺑﺘﻜﻔﻰ ﺿﻴﻔـــــﺎﻥ ﺍﻟﻬـــــﺠـــﻴﻤﻪ *
ﺳﻴﺪ ﺑﺖ ﻓﺮﺝ ﻭﺳﻴﺪ ﺣﻠﻴﻤﻪ
ﺍﻟﻘﺼﺪﻭﺍ ﺍﻟﺘﺎﺭ ﺭﺿﻮﺍ ﺑﺎﻟﻬﺰﻳﻤﺔ

غايتو اصبرى .. عابدة الشيخ

موسيقى أغنية أحب مكان وطني السودان – لفنان ابراهيم عوض
برنامج 6 ونص – تقديم الشاعرة عفراء فتح الرحمن
قناة الشروق – 6-9-2014

بحسب ليك في الايام
عشان ترجع تعود قوام
حبيبي الدنيا دار فرقة
وما معروفة لي قدام
**
بحسب ليك من يوم فتا
اريت يوم داك مافتا
وحشت الكون وراك كلو
معاك كل الوجود شلتا
والازهار شحب لونا
حتي الصفق حتا
والايام بدل تسرع
تقول بس واقفة في حتة
حتي البيت كساه ضلام
**
بحسب ليك وأعد الفات
واغلط في العدد مرات
وارجع تاني من اول
واشيل الهم من الباقيات
خلاص ماعدت اصلو اطيق
بعادك حتي لو لحظات
وماعاد لي صبر تاني
عشان اصبر علي الجايات
فضلت اعيش علي الاحلام
**
لما تعود حاشرح ليك
عن كل لحظة في غيابك
وانت متين تعود تاني
وهسع رحت يادابك
والزمن القبيل شالك
اريت لو حن ورجع جابك
عارف وبرضي بطمن
متين ياسيدي هو إيابك
تعبت خلاص من الآلام

شذي عبدالله – بيت المحبة – سهرة انغام – قناة النيل الازرق 2014

برنامج مساء جديد – قناة النيل الازرق 2014

يا ليل الشجن والشوق سالت عليك وناجيتك
ليقتك في السما نجمه لقيتك في الصفا نسمه
شكيت لي طيفك الايام حدثتك حديث الروج
سألت وين وين وكيف هواك اوهام ووعدك زيف
وطول ايامي بلقا الطيف وناجبتك وما رديت
سهرت مع ملاحم شوق وفي احضاني نام الليل نام الليل وصحيتو
صحيت الشمعيه تشقي لهيب بكيت الدمعه

اقول انساك وعارف أني ما بقدر
ومهما قساك علي يطول يزيد شوقي في هواك اكتر
اسافر في العيون وأسأل وافتش جوة في اعماق والقاك عاطف تتفجر
يجني الماضي بالماضي واشوفك وانت كيف بادي بالشوق الاصلو ما بعادي
اعود من تاني اتذكر يجني الماضي بالماضي
حبك عشتو من أول من زمن بعيد طول
ما بقدر اسيب حبك اغيب عنك بعيد ارحل

أغنية اشتهيت بيتنا كلمات الأستاذ الشاعر سعدالدين ابراهيم الحان وأداء الأستاذ عامر الجوهرى وهى من اغنيات الألبوم انا حبيبك

في رونق الصبح البديع قوم يا حمام يا حمام أسمعني الحان الربيع

قول ياحمام حي الغمام
أنا لي فيك شوق وإهتمام
أسمعني من شدوك صدي
أهو ده الربيع أقبل بدا
على الرياض مرت يدا
وشاها بي قطر الندي
فى رونق الصبح البديع
صحت الورود فى كل روض
وتبسم الزهر البديع

هاهي الطبيعة الكون تحلي بى منظرا
للعالمين سفرت بى أحلى مناظره
الروضة تغري لي ناظره أطيارة عاشقة أزاهرا
هى والنسيم فى مناظره تظهر حقائق وجوهرا
هى نزهة لى كل من يرى
هى حكمة بل هى أية من صنع البديع

انا يا حمام لى فيك مرام
اصبحنا سيان فى الغرام
كونك محب وهواك طريف
تتعشق الزهر الوريف
انا لي حبيب ناعم ظريف
حاذق أديب مترف عفيف
أسألني عن تصويرو كيف
هو أية فى الجنس اللطيف
بي إختصار هو حسنو صار فوق الجميع

نجوم الليل الدارية بحالي
وين الغالي الشاغل بالي
وين يا نجوم ياضاوية سمانا
زولا كان بالحيل بطرانا
شايل النوم ومعاهو هنانا
قال الجار بدورو رمانا
نحنا الريد شلناهو امانة
رغم البين الزاد في شقانا
دنيا الناس مترامي حنانا
ونحنا الهم يانجوم هدانا
مهما طال في بعادو اذانا
بكرة بحن لابد للقانا
تبقي الدار بالفال مزدانه
ما دام الغاب عاد لي احضانا

عامر الجوهرى أغنية اللهفة فى عينيك

خليتني للايام اخترتا غيري صديق بقيت من الاحلام انت تضيق الشي العجيب وغريب بتقول كلام مابليق مع انو مع انو مافي زعل ~~~~~ فتشت ليك اساب عشان اسامحك يوم اغني عيني بجفاك عشان تلقي عيني النوم مالقيت بلا القدار ظالمني او مظلوم بيناتنا ضاع الحل~~~~~~~ اناعاد اصدق كيف زولي العرفتو قبيل لقاهو تصبح طيف وزكراهو تصبح ويل شمتا فيني الشوق ضحكتا فيني اليل ماسبت فيني امل ~~~~~~ خليتني للايام اخترت غيري صديق بقيت من الاحلام انت تضيق الشي العجيب وغريب بتقوا كلام ما بليق مع انو مافي زعل.

ﺍﺣﻠﻰ ﻣﻨﻚ ﻗﺎﻳﻠﺔ ﺑﻠﻘﻰ؟!
ﻭﻻ ﻏﻴﺮﻙ ﺍﻧﺘﻲ ﺑﻘﻰ..؟!
ﺍﻧﺘﻲ ﺍﻓﺮﺍﺣﻲ ﺍﻟﺒﻌﻴﺸﻬﺎ..
ﻏﻴﺮﺍ ﻣﻜﺘﻮﺏ ﻟﻲ ﺍﺷﻘﻰ
ﺣﺒﻚ ﺍﻧﺘﻲ ﻋﻠﻲ ﻛﻔﺎﻳﺔ..
ﺍﻧﺘﻲ ﻳﺎ ﺍﻣﻠﻲ.. ﻭﻣﻨﺎﻳﺎ..
ﻋﻤﺮﻱ ﻣﺎ ﺣﺴﻴﺖ ﺑﻐﺮﺑﺔ..
ﻟﻤﺎ ﺍﺷﻮﻑ ﻋﻴﻨﻴﻚ ﻣﻌﺎﻳﺎ
ﺳﻜﺔ ﻏﻴﺮ ﺩﺭﺑﻚ ﺗﻔﺘﺮ…
ﻭﺩﻧﻴﺎ ﻏﻴﺮ ﺩﻧﻴﺎﻙ ﺗﻮﺩﺭ..
ﻏﻴﻤﺔ ﻭﺍﻟﻠﻪ ﻋﻴﻮﻧﻚ ﺍﻧﺘﻲ…
ﺩﻩ ﺍﻟﻐﺮﻳﺐ ﻓﻲ ﺍﻟﺼﻴﻒ
ﺗﺨﻀﺮ
ﺍﻭﺩﻱ ﻓﻲ ﺳﻴﺮﺗﻚ ﻭﺍﺟﻴﺒﺎ..
ﻭﺳﻴﺮﺗﻚ ﺍﻧﺘﻲ ﻋﻠﻲ ﺣﺒﻴﺒﺔ..
ﻻ ﺷﺒﻪ ﺻﺎﺩﻓﺘﻪ ﺯﻳﻚ…
ﻭﻻ ﻋﻴﻮﻥ ﻣﻨﻚ ﻗﺮﻳﺒﺔ

يا شدير الخير
في صنك
ياك سراباتي
البظنك
والشموش طعمني
حنك
ياتو ريح تنتفني
منك
يا مواثيقي العليهن
تاكِل أحلامي
العديلة
زي شرف تكّايو
إنتي
يا شرف كمِّين
قبيلة
خشي سعن البينّا
أكنك
يا هجيرية
وظليلة
…
تشبهي العيد
في بلدنا
بالمسافرين
البجوهو
والبطينين التمدِّر
في غرق فرحاً
رجوهو
…
البشارات التضرِِّس
في صدور
الأمهات
التهز سعف
الحناجر
التجبد أغنيات
عند دغيش الليل
تفقِّش في
الدياجر
زغردات
تبهل الزين
والعديلة
من شُرف دخلة
صباحك
يا هجيرية وظليلة
…
ما حصل جيتك
لقيتك
إلاّ عازمالك
سحابة
في خلا البلد
السقاهو
يبدا من عطش
الغلابى
وينتهي بك
يا ترابه
يا سماواته
ونخيلة
وفي النخل
شِن مابيفرح
هيلا
يا أبنوسة
هيلا
…
ذات وطن
والناس حيارى
والحمائم صان
هديله
قلتَّ يا ليل
جو السكارى
والغناوي المرخي
خيله
…
قلت يا نيل
جو الصحارى
والقساوي الشادي
حيله
وسنت الربذة
الحجارة
وشكعت فوق فجري
ليله
وجاني ظلم الدنيا
جاري
لما جيت قافر
الغفاري
يا غفارية وجليلة
…
يا طعم عرق
الشغيلة
والأيادي
التندهيله
وتندهك
شبهك شبهنا
خيلنا من غلبك
صهيله
وياتو ريح
تنتفنا منك
وفي الأصابع
ألف حيله
هزي جزع البينا أكنك
غنوة يتساقط
وأشيله .

لو شالوا الريد من قلبي انا
ادوهوا اتقسم للعاشقين
ما حتكون في العالم ابدا
لهفة وآهة و حزن دفين
حتكون البسمة تغشى الكل
و قلوب الناس ملانة حنين

كيف تستاهل
كل حناني وريدي و حبي
لانك جافي و ما بتصافي
و في جواك الخوف متخبي
مافي ندامة عشانك انت
لما تفارق يوم لي دربي
يا ما دروب في الريدة مشيتا
كتمت هواي جواي في قلبي

كيف تستاهل
كل الريد الصادق الريد الجد
لو فتشت في كل الكون
مش حتلاقي الريد و الود
او تلقالك زولا تاني
يريدك ريدا فايت الحد
حتلاقي الجفا و تلقى نفور
و شعور بالتيه و احساس بالصد

قلنا ما ممكن تسافر نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر
* * * * * *
الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقها
دنيا بقربك يفرهد كل طائر يحيا فوقها
وجنة من بعدك بيذبل كل مخضر فيها ناضر
* * * * * *
لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر
* * * * * *
لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر

موستني القطار الجاي دا يقوم بي ..
مشتــــــــــــــــاق للحبيب يا الله هـــــــــــــون لــــــي
مشتــــــــــــــــاااااااااااق كتـــــــير يا ………………….
مشتـــــــــــــــاق للحبيــب يا الله هــــــــــــون لــــــي
الفي المنام لاح لي فارقت الاهل حتى الالم فاض بــــي
مشتـــــــــــــــاق للحبيــب يا الله هــــــــــــون لــــــي
المولى عالــــــم بي محتاج اوصلك لو احبة بي ركبــــي
مشتـــــــــــــــاق للحبيــب يا الله هــــــــــــون لــــــي
الليل ابكى على والبقى في الظلام حتى الدرب راح لـي
ياسيدي عطفـــك لي ابتدر القمر في ثاتية نـــور لـــــي
سوال وردو علي طمني قول اوصل يا ملـــيح الــــــــزي
مشتـــــــــــــــاق للحبيــب يا الله هــــــــــــون لـــي .
مشتاق للحبيب