التصنيف: اغاني

اقول اشيلك في احداق عيوني اخاف النظر يجرح يمسك
اشيلك في حشاشات قلبي جوه برضو الناس تحسك
انا وين ادسك … انا وين ادسك

اشيلك في وتر بكاي
اخاف إقروك في معاني غناي
وللا في رنة حزن لو بح صوت الناي
وإضيع سراً قايلو عندي براي

اشيلك في مدى الإحساس
إبين شوقي الأصلو ما بنقاس
واخاف إقروك في عيوني نعاس
بس قول لي انا وين ادسك من عيون الناس

اقول اشيلك في عيوني حنان
اخاف إلقو ريدك مني وين ما كان
انا والله صدقني يا إنسان
ما لاقي ليك مكان

اقول اشيلك في احداق عيوني اخاف النظر إجرح إمسك
اشيلك في حشاشات قلبي جوه وبرضو الناس تحسك
انا وين ادسك … انا وين ادسك

عشان خاطرنا
خلى عيونك الحلوات تخاطرنا
ولما تمرى ابقي اقيفي
واسألى عن مشاعرنا
زمان غنينا لي عينيك اغانى
تحنن القاسيين
هدينالك معزتنا
مشينا وراك سنين و سنين
بنينالك قصور بالشوق
فرشنا دروبا بالياسمين
وقلنا عساك تزورينا
ترشى البهجه فى ساحتا
بي عينيك تضويها
حلاتك وانتي ماشه براك
شايله الدنيا بي ازهارا وبالفيها
زمان بارينا ضحكاتك
لقينا صداها جاى معاك وجايينا
وحاتك تانى لم تفوتى
ابقى اقيفى سالمى الناس وحيينا
كفايه علينا لما نشوف
بسيماتك تصابحنا و تماسينا
عشان نتملى من عينيك
عشان نلقى الصباح مسحور
يعاين لي صباح خديك
جهرتى الدنيا يا غربتنا
ياروعتنا ما هماك جهرتينا …

بتخيلك كل ما الصباح طل وبدا
بتخيلك في زرقة السما والمدى
كل ما الغروب لون خواطري و هدهدا
وكل ما ابتهجت وبلل اعماقي الندى

بتخيلك يا كرنفال حزني المضى
لما النجوم تغفى وتنوم
وانكسر خاطري و يموت فيني الرضا
بتخيلك زحمة فرح تملك حواسي و تبهجا
ونجدة غريق يتلاشى في جوف الدجى
لا قربو ساحل لا جزر لا طوق نجا

بتخيلك لمة صغار ونسة و حجى
و قمراً طلع ضو الدساتر و مهرجا
بتخيلك في كل شي لمن ابالغ وانتشي
لما تظلمني الخطى وابا المشي

ما هماك عذابنا
لا دموعنا وشقانا
نهديك المشاعر وتخون الأمانة
عارف ريدنا ليهو كم قاسينا فيهو
لو غاب من عيونا دقيقة دقيقة نخاف عليهو
أصبح لينا مرسى نرتاح في عينيهو
تمشي تخونا إنت تقول تتهنى بيهو
في ساعة غيابك نسأل وين تكون
وسدناك رموشنا وشلناك في العيون
كيف يرضيك ضميرك تتنكر تخون
العشرة الكانت ببتحدى الظنون
سبتا مصيرنا ضايع مرساه العدم
في بحور السراب بالدمعات وهم
عشان آمالنا فيك قلبنا ما ظلم
خلاص عرف الحقيقة
وما بفيد الندم
لا هماك عذابنا
لا دموعنا وشقانا
نهديك المشاعر وتخون الأمانة

ينوحن ليل حمامتين همن عيني غماماتن شوقي لي للماتن
هياب رعاب جمال فاتن ولا شئ في الادب فاتن
تروق الروح لي شوفاتن وارجف حين موافاتن
نديم قول هن ياتن مهات راما وظبياتن خدودن جل فصادن قلوب الادباء مرصادن
قنابل ترمي تصطادن وهن صادن وما صادن
قنابل ترمي قاصادن وهن صادن وماصادن
خف جلادن وضيبن هدهدن لادن
عفافن عف تيلادن بسوي القوق علي بلادن بطير بي فوق علي بلادن

فيديو .. احمدالصادق & حسين الصادق – مدحة

ياجميل يا مدلل قولي ليه بس حكم الغرام قد حلل
عذابي يدوم

ياجميل يا مدلل كل ما اطراك بالدموع اتبلل
جسمي صار منحول والمنام يتقلل
طرفو لي رؤياك دمعو اكبر وهلل
جفاني النوم

بالعلي لا تجهل يا حلو النغمات يا لذيذ المنهل
نارو حارقة الجوف و المدامع تبهل
بعد هذا الحال هل وصالك يسهل
تحن يا ظلوم

ليل ضفليرك مسدل يا رشيق القامة والمعاطف الهدل
القوام ممشوق و المعاصم جدل
ده البخلي اليك حبي ما لا يتبدل
يزيد كل يوم

ما العقول تتخيل والاديب للقاك يتهبل
بيد اني عزيز خفت في المستقبل
اهدي ليك الحب وانت بي ما تقبل
اكون محروم

في هواك لو اعزل برضي لا انساك في الخيال اتعزل
العجيبة كمان قلبي صار ليك منزل
انت فوق للقوس
والسماك الاعزل

الوافر ضراعو امنتو الرسول مامون الوداعه برد دار ابوي
غني يا الهويده جري النم علي جريت القصيده
شال السوط عرض دالي اخو الفريده إنترو يا حنيات ميس اخوي بعيده
غني للفي جرفو اخوي ود البهق تومي الخلوق بتعرفو
شال السوط عرض يا جنيات إنصرفو نمر العبدلاب ما برجف كتفو
فهمك مو قليل يا الهامه ام فنود في السموم تقيل
يا رحل الكحل بالشطاط تميل جيد يا خيلي أنا قش دمعي المسيل
فهمك مو دراسه يا النيل الطمح كسر التراسه
وقت الصح وقع الفرسان تتواسى برد دار ابوك تضرع ضحوه الناسا
غني الرحمه قالت يا قشاش دموعي الرجافه سالت
وقت الصح وقع الفرسان إن جالت نادوا لي حسن الحرابه دارت
غني يا سكوكه وجري النم علي وخنقي الدلوكه
إنت يا الأصم الما بحمشوك يا مرض يومين تنزل في عدوك.

آه من بسمتو
آآآه من رسمتو
آه من روقة دمو
آه وآه من قسوتو

………

آه أنا من جمالو
آه أنا من دلالو
لو عزالو قالو
إيه يقولوا في روعتو

……

آه أنا من قوامو
ومن رقة كلامو
بإحترامي قدامو
بقيف وأحترم كلمتو

……

آه أنا من حنينو
الساق قلبي لأنينو
شعرو السال في جبينو
حاكى الليل في سدلتو

……..

آه أنا من عيونو
ومن فلجات سنونو
صعبة العيشة دونو
دون هلتو وطلتو

……….

دا قيافة في لبسو
حلو صوتو حلو حسو
بخاف العين تمسو
والحساد يحسد نظرتو

…….

آه أنا من الشامة
هي الزادتو وسامة
بقيف محتار اماما
أقول الله ودي قسمتو

……..

أسمر نادي لونو
فريد في شباب كونو
كان الله في عونو
حسدوهو في خلقتو

……

آخر شي بقولو
مناي في النوم اطولو
الحاكى البان في طولو
في وقفتو وفي قعدتو

مسامحك يا حبيبي مهما قسيت علي
قلبك عارفو ابيض وكلك حسن نية
وما خطرت لقلبي سلوى تحيدو عنك
ما ممكن اعاتبك وياخد خاطري منك
انا عارف خصامك وغضبك في كلامك
ما من جوة قلبك كله على لسانك
مسامحك يا حبيبي..
واسال عني طيفك وزكراك هم شهود
وياما اشتقت ليك ورجيتك لو تعود
وحشتني الابتسامة عيونك بي كلامها
تداري في اشياقها وتفضح لغرامها
مسامحك يا حبيبي..
سيان عندي عدلك وجورك عليا
تكابر او تداري حبك باقي لي
بترجع لي تاني وتسالي عن مكاني
تجدني زي ما كنت زايد في حناني
مسامحك يا حبيبي..
ظلموني القالو عني و غيرني البعاد
وحيات نور جمالك زاد البي زاد
واصبح شوقي اكتر حبك عندي اكبر
املي في هواك نامي ولسه اخض

يخاصم يوم ويرجع يوم ويعذبنا بريده
ويتحدانا يوم يذعل تقول اقدارنا فى ايده
نقول ياريتو لو يعرف عذاب الحب وتنهيده
وبدل مانحنا بنتعاتب بنفرح يوم يعاتبنا
ونسأل عنه كان طول وما هاميه كان غبنا
حرام ترمينا للايام حنانك يا معذبنا
نلحف قلبك القاس بكل حنان مودتنا
بافراحنا وباشواقنا وبى لهفة محبتنا
بأمالنا وأشواقنا وبي لهفة محبتنا
رضينا هوانا فى حبك حرام تتناسى ريدتنا
خلاص يا قلبى كان خاصم ضميره يحاسبو خلية
تمر ايام وينسى غروره ويلقى هوانا راجية

مين زينا قصة غرامنا من الاف
مكتوبة بي سطر الهنا واجمل منى
انتي وانا مين زينا

انتي وانا ماعرفنا في الدرب السهاد
لغة العيون اصل الكلام في كل ميعاد

وحب الجمال والريد حنان
زاد قلبي سير في دربنا
مين زينا

انتي وانا يابسمة في الزمن الضنا
انتي وانا قول العزول مابهمنا

لو قالو قال والقلتو قال
و نشر مشاعر حبنا

نحن اقوى من الظنون لو ننجرح
مابنفترق والسكة تاني تلمنا
ومين زينا..

انتي وانا سفر الجنوب مازي الشمال
سافرنا فى صدر الغرام عدينا نجمات الخيال

ورسمنا ارواحنا القلال صورة حنان فى عشنا
مين زينا مين زينا انتي وانا مين زينا مين زينا..

ما حرسو الجري صدرك موشح بالدمي
ما بخاف فارس الحديد إن حِمي
***********************
يا فارس الإلوف الإنت كَـفـيــتِـن
وكبست الدروع وشلعت خوداتن
ما بخاف فارس الحديد إن حِمي
***********************
فارسنا البخيت التم شكراتن
صديت الخيول و قمحت ركباتن
ما بخاف فارس الحديد إن حِمي
***********************
من قومت الجهل ليهو الخوف ولا قسمو
متبون في المحاصه الدود كتر عشمو
ما بخاف فارس الحديد إن حِِمي
***********************
تدخُل فوق بكانن النحاس خلف شتمو
وركز البخيت الفال والنصر ختمو
هو ما بيخاف فارس الحديد إن حِمي
***********************
من قومت الجهل الخوف وُلوو كارو
والهوي والشرق إتْـصَـنَـطـو أفعالو
هو ما بيخاف فارس الحديد إن حِمي

افراح عصام – قناة النيل الازرق – برامج عيد الاضحي

مشتاق ليك ياجميل يارائع
مشتاق ليك و معاى يوماتى
مالى على فى الدنيا حياتى
عايش في وجداني معزة
زى ما اكون غرقان فى ذاتى
شادد عصب الحس السادس
وراجى رياح العودة و اهاتى
نرجع لايامنا الحلوة
و الافرااااااااح
بيك تملأ حياتى
مشتاق ليك ياجميل يارائع
على صهوة خيل الدفا والإلفة
اجيك بشوقا ليك ما كفي
يجيني معاك الفرح الاول
ليل الحب والود والعرفه
وعطر في وجداني مشاعر ودفأ احساس مابعرف الكلفه
اصلك انت سنيني الجايه
ياريتو غناي في ريدتك أوفي………

يا امنا الارض الهجيرة
يا معلقة في النجيمات
يا مشعلقة من ضفيرة
يا مطرقة في الضلمات
من عتبة الليل ضريرة
ما الزمن بي طبعو حاير
لاك خلقة رب عزيرة
ختي في بالك حكاوي
وانت احبابك كتيرة
حقرة الغير ما بتساوي
نصرة اولاد العشيرة
نحن سنينا الغناوي
الليلي ليك وفي الف غيرة
نحن صنينا المصايب
الاناشيد القصايد المواويل الحسيرة
الترانيم المسادير الشعارات العزيرة
شلنا من شوف المظاليم الجماهير الغفيرة
الجاهلة محرومة وبخيرة
التقول لا حولة زالت دنيا
ومازالت بخيرة
شلنا من نار البصاير
قوة قوة العين والبصيرة
من هبوب بعد الطراوة
من سحب وعدة المطيرة
يا دا جينا يا قسي الزمن العلينا
اختفي يوم عرس الفقاري
الغنية والحق والضريرة
الا ما حارو البصاري طارو
شالو القمرة طارة
الدلاليك الرعود والطنابير المطيرة
لفحة الشبال شروق القبلي و الترقص مهيرة
يا نسمة صلي علي النبي
المن حبي لامن عرج
ما ساولو شينة ولا عوج
يا نسمة صلي علي الحبيب
رغم العوارض نجو نج
كضابة سيطان العذاب
كضابة سيطان العنج
المترفين داروها دم
دم والامة شقيش تمش
لاكنو بعد الدم فرج
اراك تبلدية واراكة
اراك ابنوسة و تميرة
اراك بحر وراك جزيرة
وراكي طيرة من الصعيد
علي كتف غيرة
ملقلي المطر البراود كفو
الطراوة بالسلامة وقيرة قيرة
وترجع الطير طيرة طيرة
الوطن يا وجه مطروح ما بشيح
ياوليد الكلمة من ما قام فصيح
ياقدر ياقسمة يا واحد صحيح
الوطنيا النسمة دايرة يستريح
والعصافير داير تغني
دايرة تبني العش نصيح
والشجر بي صمغو
طول ما الليح جريح الليح جريح

انت بالذات حقو تسكت
لما نحكي عن المحبه
الزمن علمنا منك
تاني كيف نرجع احبه

“كيف بالله” كلمات د. شادول الحان ود الحاوي في سهرة النيل الازرق سهران يانيل 4-5-2010

ﻳﺎ ﺯﺍﻫﻴﺔ ﻗﻠﺒﻲ ﺍﻟﺸﻠﺘﻲ ﺟﻴﺒﻲ
ﻳﺎ ﻻﻫﻴﺔ ﻋﺒﺜﻚ ﺑﻲ ﻟﻮ ﺳﺒﺘﻲ
ﻓﻲ ﻋﻴﻮﻧﻚ ﺍﻟﺪﻻﻝ ﺭﺍﻫﺐ ﺳﻜﺮﺍﻥ
ﺍﻣﺎ ﺛﻐﺮﻙ ﻛﺎﻥ ﻟﻲ ﻋﻴﻨﻲ ﺟﻨﺎﻥ
ﺍﻧﺎ ﻭﺍﻗﻒ ﻓﻲ ﺧﻴﺎﻝ ﻃﻴﻔﻚ ﻫﻴﻤﺎﻥ
أﺷﻜﻲ ﻭﺍﺑﻜﻲ ﻟﻠﺰﻣﺎﻥ ﻣﻨﻚ ﺣﺒﻲ
ﺧﻄﻮﺍﺗﻚ ﻭﻗﻌﺎﺕ ﺍﻟﺤﺎﻥ
ﻛﺘﺠﺎﻭﺏ ﻗﻠﺒﻲ ﺯﺍﺩ ﺧﻔﻘﺎﻥ
ﺍﻧﺎ ﺣﺎﻳﺮ ﻓﻲ ﺍﻟﺪﺟﻲ ﻭﺣﺪﻱ ﺳﻬﺮﺍﻥ
ﻓﻲ ﺗﻔﻜﺮ ﻭﺧﺸﻮﻉ ﺑﻌﺒﺪ ﺭﺑﻲ
ﻓﻲ ﺍﺑﺘﺴﺎﻣﺘﻚ ﺍلسعير ﺍﻟﻮﺍﻥ
ﻓﻮﻕ ﺧﺪﻭﺩﻙ ﺍﻟﻮﺭﻳﺪ ﻧﺪﻳﺎﻥ
ﻳﺎ ﻇﺎﻟﻤﺔ ﻓﻲ ﺧﻴﺎﻝ ﻃﻴﻔﻚ ﻫﻴﻤﺎﻥ
ﻳﺎ ﺣﺎﻟﻤﺔ ﻭﻋﺪﻙ ﻳﺮﻭﻱ ﺍﻟﻈﻤﺂﻥ
ﻳﺎ ﺯﺍﻫﻴﺔ ﻗﻠﺒﻲ ﺍﻟﺸﻠﺘﻲ ﺟﻴﺒﻲ
ﻳﺎ ﻻﻫﻴﺔ ﻋﺒﺜﻚ ﺑﻲ ﻟﻮ ﺳﺒﺘﻲ

ما اتعودت اخاف من قبلك الا معاك حسيت بالخوف
اعمل ايه ما القسمة اختارت وكل الناس حاكماها ظروف
عارف وين خطواتك ماشية وآخرى معاك المامعروف
يا ما كتير فكرتا اصارحك واستنيتك تبدأ السيرة
ولا اتكلمته ولا لمحته ولا بينته الريده مصيره
والحنية الكنت بديته هسه بقت بتشوفه كتيرة
وزى خليتنى اشك فى ريدتى وخوفته تكون مشغول بغيرى
انا من قبلك ما اتحيرتا جيت وريتنى دروب الحيرة
والله عشانك ياما صبرته لما الصبر فتر من صبرى
ولما نسيت الدنيا وحاتك من اعمارها سنينها بتجرى
لا اتلومتا معاك ما لومتك وقلت براك بتحس بقدرى
وقلتا عليك بكره بتتغير وألقى فى ريدك فرحة عمرى
الا لقيتك لسه تايه فى دنياك ومتوه أمرى
كم حاولت اعاند زيك واقسى عليك بكلمة شوية
الا وحاتك غصب عنى قبل عنادى تجى الحنية
ودربا سرتو معاك بقلبى منو بلاك ما بتبقى الجية
ما فارقته فى يوم ذكراك وانا ذكراك عندك منسية
انا مجبور استنا رضاك وانت ياريتك ترضى عليا