التصنيف: اغاني

يه يا قلبي ليه تاني رجعت ليه ذي أيام زمان عدت تحن له؟
وحىاة الشجن وأغلي الزكريات ما تردد كلام يحي الفات ومات ما تخلي العيون تحكي الأمسيات وتردد كلام يمكن هان عليه
مسكين الزمن كم اهدانا ريد خلا الدنيا جنه وكل ايامنا عيد حلفناهو ينسي لو النسيان يفيد وليه بنقولو تاني نرجع من جديد

من الاسكلا وحلّ……قام من البلد ولّى
دمعي للثياب بلّ
********
بى داهى العذاب حلّ….وبى تذكاره بتسلى
قلبي الذاب واختلّ…..وين بدر التمام هلّ
*******
صفر ودع الوابور……حاجزين قمره أتنين دور
الوابور مرّ بالمجرور….شال ظبيا سكونو خدور
*********
جبل أوليا حبيبي غشا…..وحصل في القطينة عشا
يا قلبي الطفش وفشا…….الما آليته……… ينكفشا
********
حل زى الصقر خوى……بالبدر الدويم ضوّى
عاد لا حوله لا قوّه……حبيبي الليله في الكوه
*******
صباح الخير على ام نفلين…….أهني البيها محتفلين
سيد الحسن رب اللين…….شرف كوستى والجبلين
********
هنيئا حان وقت زهاك………الرنك احتفل ببهاك
وين الليله يا النشهاك……يا ليت كنت في جلهاك
********
يا كاكا الحبيب طلاك……بعده الزاد نفوسنا هلاك
يا ملوط حليل نزلاك……..يازمن الفراق نسلاك
*********
بقدومك كدوك أصبح…….سوقو من الكساد ارباح
انا من نياحى صرت ابح……..كأنى فى مبرك المذباح
**********
زاد من بعدك الانكال……قلبى البالهموم….. انكال
شاطري العاصمه يا ملكال…..توفيقيه صبرى انا كال
*********
شامبى أضحى بيك مسرور…..بعد المنقلا يا سرور
يا جوبا حي أنا المضرور….بعده النوم بقى لي ضرور
************
من دا الهم ما بنجى………حبيبي الليله في تونجا
يا خالق الخلق تنجا…….تركاكا….. حلت العنجا
********
سلام متنامى ما غبّ…..ما مرّ النسيم صبّ
يرضى ال للعفاف ربى….ويخدم كامل الرتبا
*********
صب يا دمعي لا تكون جاف……وياقلبى البقيت رجاف
البدر الخفا……. الانجاف…..اليوم شرف…… الرجاف

اغنية جميلة تطلب فيها ندى القلعة من السودانيات ستر الحال والرضى بالقليل

 

راجل السترة ما تفكيه .. لوكي القرضة وامسكي فيه

بيت حلالك ما تخربيه

بالفي والمافي عيشى معاه

بيت جالوص وضي شمعة

شن المرة بلا السمعة

 

الغنى والروقة من الله

جوعة ولا شبع زلة

 

منتصر هلالية .. جمالك ما عليهو خلاف

بثت قناة أم درمان الفضائية سهرة بعنوان (كورة وفن) بمناسبة عيد الفطر المبارك شارك فيها نخبة من الإعلاميين والرياضيين بقيادة الإعلامية عفاف حسن أمين وكابتن الهلال والسودان السابق حمد كمال ونجم تيراب الكوميديا محمد موسي والفنانة إنصاف مدني ومن تقديم الإعلامي عوض الجيد الكباشي.

خلال هذه السهرة قدمت المطربة إنصاف مدني عدد من الأغنيات من بينها أغنية (لو بتريد وريدك باين).

وقد تفاعل الضيوف مع هذه الأغنية والتي تعد من أجمل الأغاني التي تغنت بها المطربة إنصاف مدني.

وجه القمر سافر
يضوي شعاعه نور وافر
يابدر ساءلك
جاوب ليش اخوك نافر
من حيّه السباع تنتر
ومن رمشه السهم طافر
ريم يسحبلي سيف لحظه
وآخر بالسلاح غافر
يادمع ادفق
ودع ياقلب سافر
شوقي لي ضافر
هل بي نظرتك اظفر
يامن بالقلوب ظافر
كاحل طرفك الناعس
والجيد بي الاثيث غامر
مجدولات ايديك
صدرك رجح طبق الضامر
زيدني من تيهك
طايع ليك ياآمر
زهرة السامر
رفقاً بمجنونك
ياليلى بني عامر
إعلم لونما طرفك
للبيض الرقاق شاهر
إنسان عيني كاد يغرق
في ماء خدك الزاهر
ونورك يتوقّد
لي عيون الخلوق جاهر
ظلمي شئ ظاهر
إشراق الفجر يشهد
في دولة صباك تايه
ياالبي عشقي ماك فاكر
اصبح مسكنك قلبي
الفي كل ثانيه ليك ذاكر
لو رأيت محيك
ياالبي نظرتك ماكر
ليك اكون شاكر
وأم الأفق بيك تقنع
لا تولد شمس باكر
ننظر بانه تتمايل
قامة البنفدع خاتر
وننظر كيف صدير يقلع
تفاحه وردف ناتر
وبين ناعساته
يضوي الصارم الباتر
اللحاظ فاتر
لامعه سيوفه تتبارق
من كسراته ياساتر
عاشق محيك الضاوي
وعاشق حسنك النادر
تقبل لحظك يمرضني
وانت على شفاي قادر
في هواك قابل
تنفيذ أمرك الصادر
ليّ ليه غادر
حلمك جود واتعطّف
سارع بي لقاي بادر
وحيات طرفك الناعس
وحيات حاجبك الدّاير
وحيات خدّك المجلي
ومنظوم ثغرك الناير
بي لقاك تسمح
لو كان في المنام زاير
فكري فيك حاير
كل ساعه جيش حبك

الزهور صاحية وانت نايم .. كلمات الشاعر عبدالرحمن الريح

لزهور صاحية وإنت نايم…
داعبت شعرك النسايم…
وأيقظك صوت الحمايم….
*****
الزهور صاحية في الخميلة…
وإنت في نشوة يا جميل…
كنت من مرقدك تمل…
تعتدل في المشي وتميل…
حيث ما ملت قلبي مال…
وإنت في دنيا من جمال….
بين زاهيك تراني هايم…
قلب صار كالفراشة حايم…
****
شعرك الناعم المسيّح…
بين موجاتو عقلي سرّح…
ليل علي نبكي.. نفير…
منه يا تطوع العبير..
حسنو لا تحجبو الغمايم…
نور جمالو عليهو دايم….
****
الجمال فيك جل نورو…
وعليك فتحت زهورو…
واشرقت في سماك بدورو…
كلما أنظرك أشاهد….
من جمالك جديد مشاهد…
وكل منظر علي شاهد…
إني بي روحي فيك مساهم…
يا حبيب طبعاً إنت فاهم….

محمد ود النصري وما ادراك ما محمد ود النصري

الصوت الذي يجبر كل من يسمعه

لان يعيد سمعه مره اخرى ومرات اخريات

اجمع الكل على انه فنان قل ان تجد مثله جميل

بصوته وباختاره لكلماته

فوجد لنفسه متسع من الجمهور والاذن المستمعه

في اوساط السودان المختلفه بكل هوياتيه

عن نفسي لم اسمع صوت اندى من صوته ولا اجمل

ويكفيه شرفا ان الاستاذ محمد وردي سماه فنان

والمعروف عن وردي انه لا يجامل حتى ابنه

فكل من لم يسمع محمد النصري

عليه ان يرجع ويسمعه ويعود الي ان لم يعجبه ..

الطمبور له نقهه خاصه بين انامل وريشة ود النصري

والكلمه المنتقاه نفسها لها طعم ورائحه ذكيه

والرجل ليست كغيره يعتمد على استرجاع جرة اغاني غيره

بل يمكننا ان نقول انه بنى لنفسه مملكه من الجمال والاناقه

فاستحق كل كلمه تقال عنه

وكلمة انه فنان فريد نادر بين جيله

عشميق الأصم..

عليك بجر النم يا دقر الحرائق
أصبحت كارف السم عشميق الأصم

شدولو ركب فوق اصهبا مو ربيك
الهوى والشرق شرفا بعاينن ليك

العاقر ديك تقول بتلدى وتسمي عليك
يا عيد الضحية البفتحولو البيت
رايو مكملو كسار قلم ماكميك

عليك بجر النم يا دقر الحرايق أصبحت كارف السم

هل تدري يانعسان انا طرفي ساهر
جسمي اضمحل وبغرامك وانت زاهر

انا حالي ظاهر
عاشق نبيل ياجميل ليك حبي طاهر
وشاعر مجيد لغناك فنان وماهر
بسحر جمالك وكرم خلالك وعشان جمالك
اهوي القمر والنيل واهوي الازاهر

ليل ونهار وانا لي حيك بهاجر
اخذني نورك وياساحر المحاجر
لا اخشي لوم في هواك لااخشي زاجر
مهما الاقي من طول فراقي وفرط اشتياقي
حافظ عهودك وحياة خدودك ياللي هاجر

حسنك بديع ياوديع في عصرو نادر
حكّم صفاك مولاك ذو حكمة قادر
مكتوب هواك لي ضناي ياحبيبي صادر
ماكر شفاي واراك علي طبي قادر
وانا برضه امل تعطف تجامل بمس الانامل
تشفي الجروح والوح ولي لقاي تبادر

نهى عجاج – ما غريبة – كلمات بشرى سليمان

يا حنين زي عش العصفور
معروش بالنور كله محبة
يا الشلت حلاة كل الحلوين
ما سبت وراك زول يتحب

يا حنين قلبي متين يرتاح
من بحر الريدة وأمواجا
والدمعة معاك تصبح شمعة
والزهرة كمان تلبس تاجا
لو سبت العين تتأمل فيك
ما بتاخد من حسنك حاجة
عينك للريد فيني مبين
يا حنين

يا حنين بيك الليل ضوا
رقة وإحساس طيبة وخوة
لو تعرف أصل الريد هو
لا سلطة بتحكمو لا قوة
وآه منو الريد لما يصيبك
بتغلغل في الأعماق جوة

يا حنين لما تسيبني تروح
الدنيا وراك تصبح آه
تبقى الأيام غير الأيام
والبهجة بتفقد معناها
أنا ليك بتقطر حنية
بتمنى بسيمتك ألقاها
ألقاها متين أنا ما عارفة

مين يعصى أمرك ياحلو
كل شئ يرضيك نحن بنقبلو
محال يا ملاك نحن لسواك
بس ريدنا المعاك تمه وكملو
يوم ما بنقول دلك بطلو
زيدو وزيد أوع تقللو
ليك يا وديد كل ما تريد
وريدنا الشديد أخره و أولو
مهما يفيض برضه بنحملو
سيد الدلا مين البسألو
نصبر سنين لمن يلين
وصبر السنين دابو فى أولو
غالى الوصال كيفن نوصلو
خايفين نقول يمشى يقولو
يحرمنا الكلام والأبتسام
حتى السلا يمكن يبطلو

تباريح الهوى كلمات: التجاني حاج موسى

دا الجاني منك ومن تباريح الهوى
وصفو بصعب يا جميل
وبعدت عنك ولما طال بي النوى
بقى لي أسيبك مستحيل
تبقى سيرتك هي الكلام
وتبقى صورتك هى الرؤى الحلوة البعيشا
في صحوتي أو حتى في عز المنام
ويبقى إسمك هو الغنا
هو البخفف لي عذابات الضنى
الشفتو منك يا منى الروح يا أنا
وصفو بصعب يا جميل
وبعدت عنك ولما طال بى النوى
بقى لي أسيبك مستحيل
بشكي ليكم يا مظاليم الهوى
أصلي مجروح مرتين
يمكن ألقى الزيي فيكم
ضاق جراح الحب ومتعذب سنين
ويمكن ألقى وصفة تنفع
ولا يمكن ألقى حاجة تخفف الجرح القديم ..
حاجة تشفع
دا الجاني منك ومن تباريح الهوى
وصفو بصعب يا جميل
وبعدت عنك ولما طال بي النوى
بقى لى أسيبك مستحيل

اريح الصباح ويالجيتينا من ابو سالم كم في سبيلا خيولا سيدا عاااابد وكالف وده الخلاني فوق نيران جهنم خالف وحار بالحيل فراق الزول بعد ما يوالف ومن امس العصير جيت بريقك حايم لقيت ود الاريل الجامع وليدو ونايم نفسك مستكه وريقك فطور الصايم فرع المحلب التحتو القرنفل قايم
شبكتينا ايامنا وشبكتي الناس معانا في شباك شبك شبكت شباكم معانا لبس التوب شبك وفي شباكم شابكانا والداير الشبك يجدع شبكو معانا فيعيناها عالم تاني ماشفتوها ياخلاني زي لون امنه مالاقاني ما شفتوها ياخلاني في ايدي الحري مساني من يوم داك جاني تاني ماشفتوها ياخلاني تعالو وتعالو وتعالو وتعالو وسمعوني خبارا ماشقتوها دي الحاشاها ما خباره ماشفتو ها دي اللي منها النسيم بيضاره الصديره عام في الداره ماشفتوها ياخلاني وعامت وعامت وعامت واتنت زي دا انا ماشفتوها سايقينا الدى وراويانه والتمت صبرنا وزانا وشفت عيوني في سيقانا ماشفتوها وجلت قدرتو السواكي ماشفتوها ومن كل الجمال اداكي ومنو اخترتي انتي براكي ماشفتوها ياخلاني

عيونك كانو في عيوني
يصدوني و ينادوني
أخاف لو قلت حبوني
و أقول يمكن يحبوني
يعزوني يصافوني
عيونـك عيونـــــــــــك كانو في عيوني
،،،،،
أصبر بي هواك البال
و أزرع قلبي بي الآمال
عشقتك ؛ كنت عندي خيال
مجرد حبي ليك محال
أداريهو و أخليهو
و أخاف من قلبي يحكيهو
عيونك عيونــــــــــك كانو في عيوني
،،،،،
ظروفنا تحرم اللقيا
تعادي الحب و لو طاهر
يعيش خوف من الدنيا
يكون مكتوم و ما ظاهر
بكيت إحساس تحسو الناس
نضيق بيهو و نعانيهو
و كل الكون يشك فيهو
عيونك عيونـــــــــــك كانو في عيوني
،،،،،
يا حبيبي ؛
يا حبيـــــــبي
يا حبيبي لأنك إنت عفيف رقيق
ما تخاف من الأشواق
تعال نتحدى حتى الخوف
و بوح في هواي و أقول بهواك
نكون ظاهرين و ما خايفين
نعيش ليهو
و نذوب فيهو
نجاهر للأنام بيهو
عيونك عيونـــــــك كانو في عيوني
،،،،،
نحاول نبرز الإخلاص
و زادنا البهجة و النشوى
نفتح في قلوب الناس
مشاتل من حنان حلوة
نقول ليهم نوريهم
معانيهو أمانيهو
و نفخر للجميع بيهو
عيونك عيونــــــــك كانو في عيوني

نهي عجاج أغنية ” صلاة عاشق ”
مونتاج و إخراج : مقبل سوركتي
كلمات : مدني النخلي
الحان بدر الدين عجاج

الفرقة الموسيقية
اورغ : الصادق صابر جميل
كمنجات : حسام عبد السلام & مصطفي مامون
مهندس صوت مصعب خلف الله “إستديو نغم ”

أزياء : نوال مبارك

تمثيل ازدهار محمد علي
سامية محمد علي
سمر محمد علي