التصنيف: اغاني

منـــك طلع خوف الوجع سيبك بلاش ماتبقي خوف
ابقــــي الصمود ماتبقي زيف
ابقـــي احتمال نبض الحروف
ماتبقي خوف ابقـــي الصمود
،،
منك بدت خطوات مسير عمري المعطر بغناك
فرح السنين اعتز بيك شـــان انتي فال ونبيل هواه
دفقك بحر سيل الخريــــــف زاخات تهش منك سنة
يالضحكه فـــي الزمن الوجيع عمري البريدك وفي رجاك
ماتبقي خوف ابقـــي الصمود
،،
ابقي المباهج والضريــح خلينا في ضـل نستريح
نعبر مدن اعمق خيال نتغنــي باللهج الصريــــح
السمحة الجاية ومــافي خوف الجاية من كل الظروف
مرسومه في لوحــــــة جمال مرتاحه في قلبي الجريح
ماتبقي خوف ابقـــي الصمود
،،
انسي احتمال طولـــت مجيك عاودينا في أجمل فجر
يالقادله في توب العفاف بي هيبه خايله عليك تجــر
راجين عيـــونك لو تبين في روعة مشوارك عصر
بي لهفه نفرح وليـــك نقيف لمن خيال طيفك يمر
مـــاتـبــقـــي خـــــــوف

مرحبتين بلدنا حبابا حباب النيل حباب الغابة
ياها ديارنا نحن اصحابا نهوى عديلا ونرضى صعابا
نعشق شمسها الحراقة
بتلهب في قلوب دفاقة
نحن شعارنا حب وصداقة3
للناس الصفات اخلاقة
مرحبتين بلدنا حبابا2
نحن بلدنا بي خيراتا
البلد البتشبها هياتا؟؟
هي حياتنا واحنى حياتا3
وما بندور بلاها وحاتا
نحن بلادنا نتحدابا
وبخير الوفير وشبابا
لو ننهض جميع بصلابة3
ما بتلقونا تاني غلابة
مرحبتين بلدنا حبابا2
وبسواعدنا رح نبنيها
وابدا ما بنفرط فيها
لو كان فتنا من واديها3
من وين تاني تلقي الجيهة؟
في أخلاقنا في عاداتنا
واشراقات تميز زاتنا
نحن حميدة سمحة صفاتنا3
من أجدادنا ومن أبواتنا
مرحبتين بلدنا حبابا2
لازم نبقى سمحين سيرة
وطنية وامانة وغيرة
نحن بلدنا لينا نصيرا3
ومن غير غيرنا تلقى نصيرا
ومن بدرقا وسيوفا وخيلا في تاريخا مافي مثيلا..
نتحزم بلدنا نشيلا3..ودون افكار علينا دخيلا
مرحبتين بلدنا حبابا

ما رأت عيناى مثالك.. و كيف لا اعشق جمالك

كيف لا اعشق جمالك ..و انت مغرى

زنت بى ادبك جمالك..و انت سحرى

فيك اجمل شي خصالك..و انت بدرى

و ابعد الغايات منالك

لو رنيت ترسل نبالك

قلبى لاعب بيهو مالك

ليهو حق لو كان هوانك

و كيف لا اعشق جمالك

بسمتك توحى الاغانى

و اسمى ايات المعانى

فى هواك لاقيت هوانى..و بيهو راضى

معتلى قلبى و لسان

انت ذى زهر الخميلة

تزدهر فى روح جميلة

و عاليه اخلاقك نبيلة

و يخجل البدرين هلالك

و كيف لا اعشق جمالك..

انت رافل فى نعيمك

و بس انال منك جحيمك

و قول لى كيف اظفر بليمك

نارى تطفا..روحى ترفا

فى سما العز ذى كماك

كيف لا اعشق جماك

بين جناين الشاطىء وبين قصور الروم

حي زهرة روما وأبكي يا مغروم

دره سالبه عقولنا لبسوها طقوم

ملكة باسطة قلوبنا تبين عليها تقوم

في الطريق ان مرت بالخلوق مزحوم

كالهلال الهل الناس عليها تحوم

شوف عناقد ديسها تقول عنب في كروم

شوف وريدا الماثل زي زجاجة روم

القوام اللادن والحشا المبروم

والصدير الطامح زي خليج الروم

خلي جات متبوعة الصافية كالدينار

في القوام مربوعة شوفا عالية منار

موضة آخر موضة هيفا غير زنار

روضة داخل روضة غني فيها كنار

شوف جبينا الهل ضو فوقه فنار

منه هل الشارع منه بق ونار

طالعة ما بتقابل زي لهيب النار

تحرق البتهابل والبعيد في نار

تداول نشطاء علي موقع التواصل الإجتماعي فيديو للفنانة ندي القلعة وهي تقوم بالرقص بطريقة مثيرة في إحدي المناسبات.

ويظهر في الفيديو الفنانة ندي القلعة وهي تقدم وصلة من الرقص وسط حضور كثيف من الحاضرين لهذه المناسبة. ويظهر في الفيديو الذي تحصل عليه موقع النيلين أيضاً الفنان بلال موسي وهو يقدم وصلة غنائية تجاوبت معها المطربة مما دعاها للرقص بمشاركة الرياضي الشهير كمال أفرو والذي وقف بجوار ندي القلعة وشاركها الرقص. ولم يقف عند هذا بل قام بخطف (شبال) علي الطريقة السودانية من المطربة المثيرة للجدل.

وقد تعرضت ندي القلعة لإنتقادات عنيفة من قبل بعض النشطاء عبر موقع التواصل الإجتماعي بسبب هذا الفيديو. والذين كتبوا معلقين علي هذا الفيديو عبر موقع التواصل وكتب البعض منهم (منتهي الفوضي من ندي القلعة وأفرو).

الفينا مشهودة عارفانا المكارم انحنا بنقودا
والحارة بنخوضا
الزول بفتخر يباهي بالعندو
نحن اسياد شهامة والكرم جندو
ما في وسطنا واحداً ما انكرب زندو
البعجز يقع بيناتنا بنسندو
الحارة بنخوضا…
ركابين عليهو الناصع أب غرة
نتباشر وقت نلقى الكلام حرة
ما بننفز يمين إن متنا فد مرة
الخواف ما حر منو نتبرا
الحارة بنخوضا..
الفينا مشهودة عارفانا المكارم انحنا بنقودا
والحارة بنخوضا
للجار والصديق عشرتنا تتمنى
بنصون الأمانة السيدا أمنا
المغرور ندوسو ونعدموا الطنة
شافعنا بيرى الموت في الركاب سنة