التصنيف: اغاني

كلمات : الشاعر حسن الزبير
لحن وغناء:الراحل الفنان خوجلي عثمان

ما بنختلف
درسني بس قانون هواك
بحفظ حروفو..حرف ..حرف
أول بشيل الضمة ديك
وأبرز سكون حرف الوقف
واكسر عيوني أمام عينيك
واحفظ ملامحك بالوصف
أنا ببقى زي قيس زي جميل
أبكي واجن أشكي وأعف
ونرجع الريد الزمان
القالوا عند الناس خرف
شفاف وشوفتك شفا
وزعلك يشفق وبعترف
في سري في الغيب من سنين
ما قايل الغيب بنكشف
سامحني مرة إذا نسيت
ما تبقى صارف ومنصرف
لو حتى حق الريدة هان
انا لي عليك حق الولف
أنا عندي ليك سر من زمان
داير أقواو ومنكسف
كل ما أقول قربت ليك
ألقاني بادي من الألف

انتي وأنا
من حقنا
نفرح نطير زي الفراش
لى مكان بعيد
ما زارو زولا قبلنا
انتى وانا
نلملم عقاب الذكريات
لو الذكرى تاني تلمنا
عارفنو ظلم الهوى كم
غبن قلوبنا وحزنا
يومنا الفرحنا مع الخيال
وقلنا الفرح من حقنا
بشرنا بى فال الفراق
زي ما حرم عشاق
كتار من قبلنا
انتي وانـــــا
نبقى عشاق للابد نشيل
الغرام في دمنــا
لا انتي تنسي ولا أنا
انتى وانا
عاشقين رهاف
ساكنين ضفاف
شكل الامانى وحبنا
من حقنا
نسكن فى الكواكب
فى قصر لغيرنا ابدا ما نبنى
نسامر النجوم
يزورنا القمر
الحتى لو جافا الظهور ما بغبنا
ورجعنا تانى وتانى تانى
لقينا الصبر الاصلوا مزروع عندنا
انتى ماريدى وامانى
الزول الجميل الاصلوا مخلوق مننا
وشنو الفضل
ما بقيت انا وباقى الحكاية المحزنة
انسان بريد عينيك كيتر
كتير كتير عشق حكايتك وادمنا
لمن رجع خطوى ولقاك
بقى يكرة الغربة المريرة ويلعنا
يا ربنا يا ربنا يا ربنا ويا ربنا
العشنا من ظلم الهوى
ما يشوفو زولا بعدنا
وانتى وانا
نبقى عشاق للابد نشيل الغرام فى دمنا

لو تعرف الشوق انت يالمريوود..
كنت مابترووح وتنساني..
شلتا ليك الشوق ليل وتنهيده..
كانت الاحلام حبة بنريده..
مابنسيبا حرام حرام نهجر الريده..
يـــا حبيبي تعااال ليه بتنساني..
قالوا اهل الريد اصلها الريده..
في القلوب بتدوب طبعها الجاني..

من معزتك آنت لي

ختيتى قلبك فوق أيدي
وقتي ليهو عزيز على
عليك الله احرسو لي
فى صباح وفى عشى
وقتلى لي معاك سلامه
يوم رحيلك من البلاد

دارك مرصع بالسواد

غيم حزن كل اليتامى
وانشر بين كل العباد
وفارقت الناس السلامة

اغنية ضابط السجن كلمات: محمد حامد آدم

صبرك لحظة واحدة
إذنك لحظة واحدة
يا ضابط السجن
أتزود بنظرة
وأرجع أنسجن
خمسة سنين طويلة
مرت ليلة ليلة
ودمع الشوق هميلة
ورا الدمعة الهميلة
تشرح سايلة حالي
وتكتب في مسيلا
قصة وردة جفت
من فُرق الخميلة
يشلع نور بسيمتو
وينير الوجن
ويحلى دوام فريحو
ودا المافيهو ظن
بتحكي حنين مغرد
بلبل ساب عشيشيو
وراح ولهان يردد
شوق الطير لريشو
وشوق للنادي خدو
للبجرح رميشو
لي جاهلاً بعذب صدو
ويحلا طيشو
طيب نفسو طيبة
حنين كلو طيبة
فرحان بي شبابو
كامل حسنو هيبة
والأنظار تهابو
دا لين ني صغير
زي الزهرة دابو
وبي بلور أصابو
بتصفح كتابو
أسمح لي أشوفو
يا سيد السجن
ولا الطبع غالب
والحرمان عُلِن

كلمات اغنية البسأل ما بتوه للشاعر إسحاق الحلنقى

البسأل ما بتوه دارنا نحن قريبة ليه
أنت ما مجبور علينا نحن مجبورين عليك

كان سألت علينا كنت عرفت إحنا الليلة وين
كنت أول لما أحنا نغيب ثواني تقول سنين
غيروك يا وحيدي ولا صابت ريدنا عين
اشتهينا تكون معانا .. ما لقينا حنان عينيك
انت ما مجبور علينا نحن مجبورين عليك

مرة شفناك يا الحنين طالى في حارتنا صدفة
جابنا ليك الريد وجينا الحصل جابتا إلفه
ولا لالا آلجابنا ليك .. لو بتطرا دربنا عرفه
إن سرحت شويه فينا وما رجيتنا عشان نجيك
انت ما مجبور علينا نحن مجبورين عليك
لسه مستنين تجينا ناسى طالبنك زيارة
يا جمال فرحتنا شاتل الصباحة بالنضارة
كان عمرنا زمان وروح .. في رجاك ما راح خسارة
انت ما تفكر تجينا .. نحن بالافراح نجيك