التصنيف: اغاني

زول بريدك زيي مافي .. كلمات : أشرف سيد أحمد الكردنال
ألحان وأداء : كمال ترباس
_____________________

لو تخاصم أو تجافي

تبقي لطبعك منافي
يا زمن ريدي الخرافي
وزول بريدك زي مافي

شلت ريدك في الحنايا
شفت فيك احلام صبايا
انت يا ريدي ومناي
حبي ليك واللهي صافي
وزول بريدك زي مافي

انت لو عارف الحقيقه
دنيا غيرك ما بطيقها
اصلي سارح في جمالك
وبهوى في عينيك بريقها
وزول بريدك زي مافي

الله يحفظ ليك جمالك
وديمه رافل في دلالك
يالبديع معدوم مثالك
وبيك تزدان القوافي
وزول بريدك زي مافي

قمر العشاء الضواي يسلم أبوي للخصيم كواي
بجر مسداري وبنم في الأرباب ناظر القسم
يسلم أبوي
ساعت الخصام واللطم قمر السبوع خافي النجم
يسلم أبوي للخصيم تاواي
شدو ليه الشلواح
هموا ليه الصلاح
يسلم ابوي
وكت دخل في السلاح
بشوف براق سيفو لاح
يسلم أبوي للخصيم تاواي

اغنية أنا أستاهل .. كلمات د.عماد الفضل

أنا أستاهل تبعدي عني ومني تروحي
لأني ظلمتِك وما قيمتِك
لأني برايَ هدمت صروحي
كم سافرت بعيد وحرمتِك
وكم في الدنيا كتير ألمتِك
كنتي عظيمة وفية كريمة
بكلِ مشاعرِك لي بتبوحي
تفتشي عني عشان ترضيني
وأهرب منك لو تلقيني
كنت بشوفك ديمة معايَ
وكنت بحسك داخل روحي
ولما رحلتي بكيت وندمت
شفت الدنيا كئيبة سئمت
أصفحي عني وما تنسيني
أصفحي عني وبس سامحيني
لأني ظلمتك وبرضي عذرتك
أرجعي ليَّ وداوي جروحي
أنا أستاهل كل العشتو
وكل الألم الإتألمتو
تعالي وقربي مني تعالي
أشرحي صدري وفرحي روحي

كلمات اغنية عقلي انشغل بهواك .. للشاعر مصطفى بطران

عقلي انشغل بهواك والحكمة
عيني لجة ومجافية النوم
يا رب تعيني
هاك بعض حالي البي روقي اسمعيني
شاكي الغرام ما لقيت لي من معيني
لو كان كلام في الطيف مرة اسمعيني
خليني اصلى النار في هواك دعيني
فوق اللي جاري علي لا تجرديني
ثوب الغرام ودوام عنه انشديني
طايع مريد لقساك باهي اليديني
ما اخترت غانية سواك و حق ديني

مهما يلاقي عذاب قلبي السجيني
ومهما يزيد ويفيض همي ويجيني
لو كان يزور الطيف مرة ويجيني
تلبس حظوظي السود ثوب اللجيني

من يوم رماني سنان لحظك سنيني
محق علي نومي ومحق سنيني
اصبحت كل صباح يزداد انيني
كالبلبل المفرود يا مي حنيني

دائما تكيلي غرامك ما بتكيني
فوق لا اطيق من هجر تكلفيني
دائما تزيدي علي دائي الدفين
لمتين تراعي لحالتي وتنصفيني

أغنية دوام بطراهم للعملاق عبد العزيز محمد داؤود، كلمات عبد المنعم عبد الحى وألحان برعى محمد دفع الله، أداء هند الطاهر، جيتار وباص جيتار شهاب شرحبيل أحمد، كيبورد ناصر عباس، ساكسفون تيرى فورنيه .

عاجبني الكريم البسند الضعفان
رباي اليتامى ومركز الضيفان
…………………………
قبال الشهيد بعد المساهر نام
بي عيني بشوف برق الكرم قدام
سايق الخير كتير هاطل سحاب وامام
إسند في الضعاف وبربي في الأيتام
اسمك عيسى يا قشاش دموع الهام
كم حليت كرب وفرجت أمرأً هام
…………………………….
غني وشكري الليلة يالنيّة
فارس حمره عينو زين أبو بنية
للأخوان مدفق خيرو ما شوية
إيدو تملي تدفع ما ها ملوية
عطاي بالألوف ما بدي بالمية
وإحاكم الزمن نار الكرم حية
……………………………..
من ما قام صغير ما بمشي في الفارغات
للجار والعشير هو الدخري في الحوبات
ستار العروض البرفع الواقعات
صاين عرضو راخص الشذرات
دابي الكركرة أسد الخلا أبو عاجات
مقبول يالمشكر للبلية إن جات
……………………………….
غني وشكري يا خضرة الليمون
صنديد الرجال ما بنقدر بالهون
يالحر المأصل يا دهب شيبون
يا ضو الرفاقة اللي عروض مأمون
سموك اللزوم القاطع المسموم
قضاي الغروض اللي الفقر صابون
…………………………
تمساح أدبرة الحدر ورود القيف
يا نمر الفروع في الغابة ماكا طريف
يالضل الظليل في هجيرة الصيف
للرايدك محنة وللمعاديك سيف
حق الشكرة صح عيسى البتم الكيف
……………………………….
غنت ليك بنيتاً موجت ديسا
غنت ليك سعاد والدر وبلقيسا
بالخيل الكرم عندك وقف ميسا
ياضو القبيلة الحققوا الريسا
يوم تجي للرجال الحارة بتقيسا
الباقين نجوم إلا القمر عيسى

كلمات ودعت هواك بلا حزن

يا مضرم النار في أضلعي
ومحرقاً بلهيبها أحشائي
يا غارساً سكينةً مسمومةً في داخلي
و مقطعاً بها عميق أوصالي
يا ضارباً باليد خد محبه
و مهدماً بالصد كل آمالي
****************
و دعت هواكِ بلا حزنِ
و غداً أنساك وتنسيني
لن يبقى منه بذاكرتي
حلم أو طيف يشقيني
لا كلمة شعرٍ أكتبها
لا لحناً بعدكِ يشجيني
****************
يا من اهديت لها عمرى
ماذا بيديكِ لتهديني
ما عدت أُصدق تضحيةً
أو أنسى أنك خنتينى
و عيونك تبكى كاذبةًً
حُباً بعتيه وبعتيني
****************
أتكون دموعك من أجلي
أم تلك دموعاً تبكيني
أم وهماً ظل يؤرحني
زمناً في شكي ويقيني
كم عشتُ أُصدق أوهاماً
أفنت أيامي و سنيني

كلمات اغنية يا سليم الزوق للشاعر عبيد عبدالرحمن
ـــــــــــــــــــــــــــــــــــــــــــــــــــــــــــــــــــ

يا سليم الذوق يا الجمالك صار
زينة الايام ……. و متعة الابصار

**************************
سامى حسنك جلَّ عن حصى و احصار
و كل جميل لجمالك دونه و الاقصار
حسنك انت يدوم و الليالى قصار
هو فى العصور اثار لمفاخر الامصار

**************************
نور جمال متسلسل من خيار اخيار
نظم الكواكب سلسل كوكبو السيار
فى الفرقدين والزهرة حبيبى ليه ديار
ما فى سماء الدنيا ده بعيد على الطيار

**************************
من اشعة محيك شعشع الاقمار
و الشموس و الشمس الفى سماء الاعمار
لدن المعاطف لون دانت قطوفها ثمار
و لماه لمى الدر على خمرة الخمار

**************************
ياكنوز الدنيا الضامر الاسرار
انا غير ازمة وجدى ما بى من اضرار
غرة عيونى جمالك و قلبى ليك قرار
وانت حاكم ظالم و حر من الاحرار

**************************
لكل شىء برهان رغما عن الانكار
مهما ادارى هواك يهزنى التذكار
انشد قوافى سناك واتعمد الابكار
من كل معنى طريف فى جواهر الافكار

**************************
فوران عواطفى يمثل كل شىء فوار
استنشد المستنجد وانشد الغوار
و اذا عزولى بدالى و قصده يبدى حوار
اتناسى اسمك عمدا اقول له دا النوار

كلمات اغنية يانديــما غناء عيدالعزيز داؤد .. كلمات حسن عوض احمد

يانديما عب من كأس الصبا
ومضي يمشي الهويني طربا
بت أشكو لنجم في الليالي دمعا
ولطل فوق زهر كاللآلي جميعا
ونديمي عب من كأس الصبا وسقاني
ثم عاف الكأس عاف الملعبا وجفاني
هاهنا الزهر وروض واختلاء
وهنا الليل وبدر وضياء
وهنا الكأس وخمر وانتشاء
وهنا الشادي يغني عجبا وأماني
يانديمي طافت الأحلام بالفكر حياري
وسرت تسبقها الأنغام في طهر العذاري
ونديمي أول الآطياف في الفجر تواري
واذا ما القلب اضحي لهبا كم يعاني
ونديمي عب من كأس الصبا وسقاني

الليلة جيت شايل الفرح
قصدك تعوضني الفات
اديتني حنية عيون
ما لقيتها في اقرب صلات
اديتني احساس بعمر
حاضنو الربيع ونسايمو جات
يوم كنا في جلستنا ديك
نحكي ونعيد الزكريات

ما تشيل مع الحنية هم
وتخاف من الايام تدور
وتخاف يغيرني الزمن
واعبر بدون عينيك بحور
انا روح بتعرف عزتك
زيك كمان صادق شعور
وانا بيك منورة دنيتي
ذي ليلة هالي عليها نور

خليتني ليه عشت الشقى
قبال اعرفك من زمان
كم مرة لاقيتك انا
ولمحت ليك بالريد كمان
من بدري ليه ما قلت لي
انا قلبي ليك مليان حنان
وبالريد كمان صارحتني
يوم كان بيتوهني الزمان