التصنيف: شعر

الشاعر محمد طه القدال – بنينة الشعراء إلى حميد ومحجوب شريف وأزهري – أمسية النادي السوداني – أبوظبي

عارفني منك لا الزمن بقدر يحول قلبي عنك
لا المسافة ولا الخيال يشغلني منك
عارفني منك عارفني منك
تحرمني منك والمواعيد لا بتجيب منك تودي
لا الشجن قادر يشيلني عليك أعدي
لا التحايا ولا المشاعر الحيه في جوه الحنايا
لا رسالة تجيني منك لا خبر طمني عنك
وأنت سايق فيني ظنك رغم أنك أنت عارف أنه منك
لا الزمن بقدر يحول قلبي عنك
لا المسافة ولا الخيال يشغلني منك
عارفني منك
ببقى بعدك في الأسى
وتبقى أنت الظالم القاسي النسى
وغصب عني أزيح ظنوني
وأقول عليك أنت المسامح فوق شجوني
أعيش زمان بالفرقة جارح فوق شجوني
وفي إحتمالي وبالي إنك أنت سايق فيني ظنك
رغم إنك أنت عارف إنه منك
لا الزمن بقدر يحول قلبي عنك
لا المسافة ولا الخيال بشغلني عنك عارفني منك
يا هوى الألم النعيم خليك على الوعد القديم
وخليني في الشجن الأليم
وأبقى في كل المدائن سكتي وسفري الجحيم
تبقى أيه الدنيا من بعدك تكون وأبقى أيه من بعدك أكون
مافي إحتمالي وبالي إنك أنت سايق فيني ظنك
رغم إنك أنت عارف أنه منك
لا الزمن بقدر يحول قلبي عنك
لا المسافة ولا الخيال يشغلني منك
عارفني منك

تندلقي حن
مرات جفاكي بلا اذن ..
شن تلقي إن ماتت عيون اللهفة
و الشوق داير يجن
غنيت لهن
لمن موهدب فزتبن
ختيت لهن
رغم المخاوف أمنهن
ناديت لهن
فهمني شي
وشابيت لهن اضحك و ائن
وانا اقسى كيف..اقسى كيف
ما ياني فيهن ومنهن
لا تجرح الاشواق
اذا شابن عليك لا تجرحن
ولا تحرج الافكار
ازا ما انفج ضيق ضيقتهن
اهديت لهن عمري الفضل
اهدن لي اروع ما اظن
وانا اشقى كيف؟
وجداني فيك صدق العشق يتخللن
يسعد صفاك ايامي وارقد مطمئن
وينسف جفاك احلامي واصبح واعي جن
عانيت عشان اصل الضفاف
القيف يلوح والبوح يصن
وانا ارسى فيك
والفيك يزيد
الفي وزن
شقّيت صحارى الدهشة بيك وادهشتهن
منّيت دواخل الروح
تتوهك وتنسجن
لازَم يقيني ثبات خطاي
آه يا رجا الزول اليقن
إندلقي واجفى استأنسك
لوعة وسماح يتآنسن
الدنيا ما بترجى السكات
والفيها ما عاد ينضمن
اضمن تلاقي الامنيات
باكيات تكفكف دمعهن
سهر المياه في نيلا روح
زكرى الجروح اتقبّلن
وعاين مدى الاشواق طموح
ينحس بس ما بينتبن

الشاعرة سلمى الحسن – زولة ساي – سهرة عيد الأضحى
بطاقة معايده – تقديم نجود حبيب – الانيل الأزرق
خامس أيانم عيد الأضحى المبارك – 8-102014