فيديو النيلين

عشرة الأيام ما بصح تنساها
كأنو ما حبيتك وكأنو ما عشناها
وضمانا أحلى غرام
ليه فجأة دون أسباب
من غير عتاب أو لوم
أخترت غيري صحاب
وأصبحت قاسي ظلوم
هان ليك فراقي خلاص
وانا برضي حولك أحوم
كان عهدي بيك ترعاني
وأجمل صلاتنا تدوم
أمل المحبة سلام
بعدك أماني هواي
ياما جنيته عدم
ولا عرفت صديق
لي قلبي غير الهم
كم غيري يشدو سعيد
وأنا في هواك مغرم
ما اظني انا انساك
ومن العذاب اسلم
أسلم من الأوهام
ما كان فراقنا المر
في نيتي أو في إيدي
لكن ظروفك أبت
وقست ظروفي علي
واتلاشت الأحلام
وين حسن ظنك بي
وريني أيه ضراك
لو كا صبرت شوية
عمر السنين أيام

سافر زمان قبال سنين لاجاب جواب لا جاب خبر امو تسأل كل طاير وكل عائد من سفر خيالو ما فارق عيونها وطيفو ما غاب .. ليه اثر وما زال هناك .. فى الركن داك صوتو وغناهو وضحكتو وصورو المعاقة فى الجدار وجرايدو والكتب الزمان الليلة كاسيهم غبار مصباحو فى الركن الحزين ومكانو مازال فى انتظار اصحابو انداد الطريق قدام عيونا مشو اخضرار ياماشي لى بلدا بعيد .. قول للمخاصم اسرتو قول للمفضل هجرتو: ماعاد قطار ووصل جواب اسمك تهزّها ذكرتو والبيت وراك لو شفتوا كيف .. ضاعت مواسمو وخضرتو ياحليلو لمن كان صغير.. تلميذ بيمشى المدرسه تشفق عليهو من الطرق وتخاف عليه من المسا كيف ينسى عيدية وحنان وكفاح سنين كيفن نسا ؟ سافر زمان قبال سنين لاجاب جواب لا جاب خبر

ما بريدك ما بريدك
و كيف اريدك
ما براك ضيعتو ريدك
ما براك خليتك وحيدك
فتو سبتو نسيتو ريدك
من زمان خليتني ابكي
و من قساك اصبحت اشكي
العواذل شافوا وجدي
و الحبايب كيف اريدك
يلا ارجع لي جديدك
للسقاك الكاس بايدك
للسقاك الهم بايدك
كنت ناسي كنت ناكر
هو زيك كيف يريدك
العذاب ضقناهو بعدك
و الدموع سالت في بعدك
و انت راجي عشان اريدك
ما بريدك كيف اريدك
انت يا ناكر هوانا
ما زمان خلينا دربك
جاي للالام براك
يلا اتعذب وحدك

وداعاً روضتي الغناء وداعاً معبدي القدسي
طويت الماضي في قلبي وعشت علي صدي الذكري
وهذا الدمع قد ينبي ما بالمهجة الحيري
لماذا الهجر يا حبي…ماذا دهرنا ضنّ وشّبّع روحي باليأس…
وداعاً روضتي الغناء وداعاً معبدي القدسي
نسيتي الماضي يا ليلي..ماضي الحب والطهر…
ليالي نقطع الليل بحلو النجوي والشعر
ليالي حبنا الأولي
نسيتي ليلي اذ كنا نفّدي النفس بالنفس..
وداعاً روضتي الغناء وداعاً معبدي القدسي
اظل اردد الشكوي لما لاقيت من وجدي
حبيب الروح لا اقوي علي حمل الهوي وحدي
ولما لم اجد سلوي…
كسرت ابريقي والدنّ سكبت علي الثري كأسي
وداعاً روضتي الغناء..وداعاً معبدي القدسي

لو بالصد أبيتيني
ولو بالنار صليتيني
أنا لا …
ما بنساك
لو حاولت تهجرني
أو تنساني من تاني
ترجع يوم تجد حبك
بدد شكي وأحزاني
بدل همي في الدنيا
وعاد بالفرحة ألحاني
أنا لا..
ما بنساك
لو تعرفني إني أمين
أنا ريدك براعيهُ
قلبي الراجي ليك سنين
ما ممكن تجازيهُ
أكان راجيك وبيتألم
وكيف إن كنت ناسيهُ
أنا لا ..
ما بنساك
لو بس شفت آهاتو
ما كل يوم بتتبسم
لو تابعت دقاتو
ما بتقدر براك تحلم
لو حسيت بأناتو
وطول أيامو بيتظلم
كنت رجعت صافيت
ونسيتو الدموع والهم
أنا لا ..
ما بنساك
مهما جُرت صديتني
بدون أسباب وبكيتني
على درب الهوى والشوق
براي يا ناس خليتني
أداري دموعي من الناس
وأقول يا ريتني يا ريتني
نعود من تاني نتلاقي
وآه لو مرة صافيتني
أنا لا ..
ما بنساك