يسلم لي الليلة ساير ..  الاصيل ود القبائل

صالون الفكاهة .. اسامة جنكيز

أرض الخير (افريقيا) مكاني
زمن النور والعزة زماني
أرض جدودي جباههم عالية
مواكب ما بتتراجع تاني
اقيف قدامها واقول للدنيا انا سوداني
…………………………………………
أنا بلدي .. بلد الخير والطيبة
فيها خزاين .. فيها جناين
عيون ونجوم بالخير بتعاين
قمره بيضوي ما بغيب ابدا دايما باين
نوره بيسقي ليالي حبيبة
عليها بغني واقول للدنيا انا سوداني
………………………………………..
شمسك طلعت وأشرق نورها بقت شمسين
شمس العزة ونورها الاكبر
هلت شامخة زي تاريخي قوية وراسخة
ملت الدنيا وخيرنا بيكبر
شمس ايماني باوطاني
ده الخلاني اقول للدنيا أنا سوداني

جمال فرفور يغنى الجلابية بيضاء مكوية

الشاعرة إيمان أبنعوف – نخلة وبنية وركعتين

محبوبي لاقاني
وبي بسمه حياني

جذب الفكر حسنو
جهر العيون نورو
بعد اشتياقي الطال
فاجئني بي ظهورو
شخصت في حسنو
واصبحت ماسورو

سبحت كبرت
هللت بي حياتو
بي كل احساسي
رديت تحياتو
شكيتلو آلامي
آمالي وإحساسي

بادلتو بي شعوري
ملأ الحياة شعورو
خلاني في ناري
بين وجنتيه وحورو
من العيون خوفي
وآمالي في ظهورو

زي الزهور باسم
زي الصباح مشرق
زي اللهيب محرق
بي عواطفي بادلتو
بي دموعي جاوبتو
شكيتلو طول هجري
ظلم الهوى وجورو

بنغنى لود القبايل سيد الرأي والفهم …
اخوك يا آم سماح ولدا” راسي آصم ….
*******
حد ما نشكرو نغنى فيهو نقول ….
ما بنوفيهو حقو الوصفو فات القول ….
اب عرقا” مصل صافى ما مصقول …
ذى الجمروهو من دهب شنقول …..
******
بصدق فى الكلام حاشه ما كذاب ….
والعشمانو قاصدو بلقاهو فاتح الباب …
بوجهو الصبوح يقابل بالترحاب ….
دارا” للعشيرة وللخصيم مضراب ….
******
تمساح اب كريك الحجر العوام …
كان ربط العجاج ذى القدر صدام …
ما برجع وراء بنجـــارا لقدام …
ذى بحر الدميرة الفاض علا الهدام ….

دراما سودانية .. اخلاص وشكسبير – بتاع الخرد

وقفت بعد حلبت لبينة الشاي تكورك يا الحسن
يا ام الحسن وينو الحسن
ولمن صفت رغوة شخيبات اللبن في حلتا المبنية من طبق السكن
واقفي في حوش البهايم ولسع تكورك يا الحسن
جاها حسا من بعيد مارق من القاطوع ورا
قال ليها خير يا الحاجه خير
قالتلو خير تعال لي جاي دايراك تعنون لي جواب يا الراسي لي ولدي الخدير
لا تبقي زي شافع السرير يقول لي زين آيمة زين وزين تبقي بعد شهير
وان جاني يكتب فد سطير
اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم
بعد المغيرب بي شوي جاها الحسن تعبان يسير
دا العشى غنمو من الدرب وسرقت ندي وشو الهجير
سوتلو شايا بي لبن قرض معاهو حرف فطير
قالتلو بسم الله قول واكتب وصيتي انا للخدير
الزمن يا ولدي ماحقاهو السنين
البعيش في الدنيا ما بعيش مرتين
العمير فاضل لي بس منو اليقين
وانت طول(ت) في البنادر يا الحبيب لا متين
تعال اوريك حق ابوك الجم حقيق حاج اللمين
ان عرفتو بلا عمار يقولو ولدا عندو طين
العلاج لا تنسي رسلو لي دحين
العوينات يا جناي شوفن ضنين
سلامنا ليك مطرز للبنيات والبنين
ولو النفس يا ولدي تنشال في الايدين انا كت برسلا ليك
في لوري الخزين

أكتب لي يا غالي الحروف
واحكي لي ياما الدنيا نوره وفرحتها
صارت بلاك غيمة شتاء
تنسج طيوف وتجيب طيوف
والشوق جدار بيناتنا يحجب بهجتها
يا سكة الزول البعيد يا حليله لما اتوارا غاب
خليته يمشي وفي العيون دمعات الم ودمعات عذاب
أتمني وعده يكون حقيقة وعهده ما خدعة سراب
أتمني في لهفة محب شال الصبر لما الصبر في قلبه داب
ارحل قطار ويعود قطار
وأصبح الليل الغريب طلت نهار ويجيني منك إنا بس خطاب
اكتب لي حتي الناس تقيف لما يفوته أقول اسلم للجميع
خايف يبين خاطري الكسيح ارجع براي اشقي الدموع
قلباً سقاك موسم حنان موسم فرح موسم ربيع
ياريت تشوف انا كلما تنعس شموع بوقد شموع وأفضل أتوه عبر البلاد
يا رب متين وقت الرجوع
اكتب لي خلي النار تموت والهم يفوت
انا غير حروفك افقد الدنيا وأضيع
أكتب لي يا غالي الحروف

مالك الزاكي يتحدث عن معهد القرش واللجان التي تناوبت على إدارته .. وأشار في معرض حديثه ان حكومة الانقاذ هي افضل حكومة حكمت السودان.

اشاد الاستاذ حاج ماجد سوار بالجالية السودانية في المهجر وشكرهم على تمسكهم بالعادات والتقاليد السودانية الاصيلة وتربية ابنائهم عليها
واوضح ان الجالية السودانية هي الافضل في المملكة العربية السعودية .