ﺩﻳﻤﺔ ﻓﻲ ﺍﻟﻌﺸﺎﻕ ﺍﻟﻘﻠﻮﺏ ﻣﺮﺗﺎﺣﺔ
ﻭﺇﻧﺖ ﻳﺎ ﻗﻠﺒﻲ ﺍﻟﻤﺎ ﻟﻘﻴﺘﻠﻚ ﺭﺍﺣﺔ
ﺩﻳﻤﺔ ﻓﻲ ﺍﻟﻌﺸﺎﻕ ﺍﻟﻘﻠﻮﺏ ﻓﺮﺣﺎﻧﺔ
ﻓﻲ ﻣﺠﺎﻝ ﺍﻟﻜﻮﻥ ﺑﺘﺴﻤﻮ ﺃﻋﻠﻰ ﻣﻜﺎﻧﺔ
ﺗﻨﺠﻠﻲ ﻭﺗﺘﻬﻨﻰ … ﻳﺒﻘﻰ ﻓﻲ ﺇﻣﻜﺎﻧﻪ
ﺗﻨﻄﻠﻖ ﻓﻮﻕ ﺍﻟﺪﻧﻴﺎ ﺑﻲ ﺃﺭﻛﺎﻧﻪ
ﺩﻳﻤﻪ ﻓﻲ ﺍﻟﻌﺸﺎﻕ ﺍﻟﻘﻠﻮﺏ ﺗﺘﻐﻨﻰ
ﻭﻓﻲ ﻣﺠﺎﻝ ﺍﻟﻜﻮﻥ ﺗﻠﻘﻰ ﻣﺎ ﺗﺘﻤﻨﻰ
ﺇﻧﺖ ﻳﺎ ﻗﻠﺒﻲ ﻟﻴﻪ ﺣﺒﻴﺒﻚ ﺿﻦ
ﻻ ﻋﻠﻴﻚ ﺍﺗﻌﻄﻒ ﻭ ﻻ ﺳﺎﻝ ﻻ ﺣﻦّ
ﻳﺎ ﻗﻠﺒﻲ ﺍﻟﺤﺎﻳﺮ ﺩﻳﻤﻪ ﻧﺎﺭﻙ ﺣﻴﻪ
ﻭﻓﻲ ﻏﺮﺍﻣﻚ ﺿﺎﻳﻊ ﻳﺎ ﻗﻠﻴﺒﻲ ﺿﺤﻴﻪ
ﻟﻴﻪ ﻣﺴﻬﺮ ﻋﻴﻨﻲ ﻟﻴﻠﻲ ﻭﺍﻟﺼﺒﺤﻴﻪ
ﺟﺴﻤﻲ ﺁﻩ ﻳﺘﻘﻠﻰ ﺯﻱ ﻟﺪﻏﺔ ﺍﻟﺤﻴﻪ
ﻳﻮﻡ ﻗﻄﺎﺭﻭ ﺍﻟﻘﺎﻡ … ﺍﻟﻔﺮﺍﻕ ﻫﺪﺍﻧﻲ
ﻳﺎ ﺩﻣﻮﻉ ﺍﻟﺪﻡ … ﺍﻟﻨﺎﺯﻓﻪ ﻣﻦ ﻭﺟﺪﺍﻧﻲ
ﻟﻤﺎ ﺟﻴﺖ ﺃﻭﺍﺩﻋﻮﺍ … ﻓﺎﺕ ﻭﺇﺗﻌﺪﺍﻧﻲ
ﺍﻷﻟﻢ ﺑﻴﻘﻄﻊ ﺟﻮﻩ ﻓﻲ ﻭﺟﺪﺍﻧﻲ
ﺇﻧﺖ ﻳﺎ ﻗﻠﺒﻲ ﻳﺎ ﺍﻟﻤﻌﺬﺏ ﻣﺎﻟﻚ
ﺩﻭﻥ ﻗﻠﻮﺏ ﺍﻟﻨﺎﺱ ﺇﺗﻬﺪﻣﺖ ﺁﻣﺎﻟﻚ
ﺇﻧﺖ ﻟﻴﻪ ﻣﺎ ﻗﺎﺩﺭ ﻋﺸﺎﻥ ﺗﻐﻴﺮ ﺣﺎﻟﻚ
ﻋﺸﺎﻥ ﺗﺮﻳﺢ ﺭﻭﺣﻲ ﻋﺸﺎﻥ ﺗﺮﻳﺢ ﺑﺎﻟﻚ
ﻳﺎ ﻗﻠﺐ ﺃﺳﻤﻌﻨﻲ ﻣﺮﻩ ﺑﺲ ﻭﺇﺳﺘﻨﻰ
ﺇﻧﺖ ﻛﻴﻒ ﺗﺘﺨﻴﻞ ﻭﻟﻠﻤﺤﺎﻝ ﺗﺘﻤﻨﻰ
ﻟﻠﻤﺎ ﺩﺍﻳﺮﻧﻚ ﻣﺎ ﺑﻴﻌﺮﻓﻮ ﻣﺤﻨﻪ
ﺇﻧﺖ ﺑﺲ ﺇﺗﺼﺒﺮ ﻭﺍﻟﻠﻪ ﺑﻴﺪﻱ ﺍﻟﺠﻨﻪ
ﻣﺎ ﺑﺘﻌﺮﻑ ﺍﻟﺤﺐ … ﻛﻨﺖ ﺗﺴﺄﻝ ﻋﻨﻮ
ﺑﺘﻠﻘﻰ ﻧﺎﺱ ﺍﻟﺤﺐ ﻓﻲ ﺳﺒﻴﻠﻮ ﻳﺠﻨﻮﺍ
ﺗﻠﻘﻰ ﻧﺎﺱ ﺑﻴﺘﻬﻨﻮﺍ .. ﺗﻠﻘﻰ ﻧﺎﺱ ﺑﻴﻐﻨﻮﺍ
ﺗﻠﻘﻰ ﻧﺎﺱ ﺑﻴﺘﻤﻨﻮﺍ ﻭﻧﺎﺱ ﺑﻴﻬﺮﺑﻮﺍ ﻣﻨﻮ



اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.