الكاتب: فيديو النيلين

الناعسات عيونن نور جبينن هلّ
مابين تبر صافي واخضراني اللون
دار العزّه يا عبدالعزيز إتجلّ
بي نور الخدود المنّه
زينة الكون
الغانيات جمالن من الحور اجلّ
ولي اقمار وجوهن في فؤادي سكون
لي ليمن تكاد درر النجوم تدلّ
البي نار غرامن قلبي صار ممكون
مسحور من طريفن وسحرهن لي دلّ
وين ماهبّ طيبن تلقى قلبي يكون من انوار جمالن ياخي عقلي اختلّ
توجد في صفاهن العفاف والصون
بين فدعة يديهن واللدن والتله
بين رمان صدورن الجمال محصون
البدور تسعالن والملوك تتعلاّ
لو تلقاله نظره من الصفا المكنون
بين مفصود خديدن وساده زايده العلّه
صاروا لي زي ليلى وصرت انا المجنون
ياقاسم معاك نجم السعود ما ذلّ
دمت قدرك عالي ودام عدوك مغبون
لي عزولك ديمه الإنكسار والذلّه
والنحاس مابوازن لي دهب شيبون
من نظرة جمالن راح منامي وولّى
عقلي شاغله غرامن واعترتني شجون
السرور ياقاسم عرشه قوم اتولّى
بين تهاني البانه وميلة العرجون

من الأسكلا وحلا قام من البلد ولّى
دمعي للثياب بلا
بي داهي العذاب حلا وبى تذكارو بتسلى
عقلي الذاب و إختلا وين بدر التمام هلا
صفر ودع البابور راكبين قمرة اتنين دور
البابور مر (بالمجرور) شال ظبيا سكونو تلول
جبل أولياء حبيبي غشا وحصّل (للقطينة) عِشا
صاح قلبي الطفش وفشا الما ليته ينكفشا
حل زي الصقر خـوي بالبدر (الدويم) ضوّا
عاد لاحول لاقوة حبيبي حلاتو في (الكوة)
صباح الخير على أم نفلين أحيي البيها محتفلين
بدر الحسن رب اللين شرف كوستي والجبلين
هنيئا حان وقت زهاك الرنك احتفل ببهاك
وين الليلة يالنشهاك ياريت كنت في جلهاك
يا كاكا الحبيب طلاك وبعدو الزاد نفوسنا هلاك
يا ملوط حليل نزلاك ويا زمن الفراق نسلاك
بقدومك (كدوك) أصبح سوقو من الكساد أربح
أنا من نواحي صرت أبح كأني في مبرك المذبح
زاد من بعدك الانكال قلبي البي الهموم انكال
قطري العاصمة يا ملكال توفيني أنا صبري نكال
من دا الهم ما بنجا حبيبي الليلة في تونجا
ياخالق الخلوق تنجا تركاكا حلتا العنجا
صب يا دمعي لاتكون جاف وياقلبي ليه البقيت رجاف
البدر الخفى الانجاف اليوم شرف الرجاف…

خصل شعرك حروف شعري البوصف بها ان شوق وحنين ولون شعري سواد حضيي ان معاك في الريدة سبع سنين عندي يغين امل في بكرة في التحسين نسافر في بحور عينيك نخاف الموج نصد راجعين نخاف الموج نصد راجعين نطوي شراع ملاه الريح نسيب سفرنا تاني سنين نسافر كيف وديل عينين وميض يهدر علي الشطيين

اميرة نابرى تبدع غنائيا فى البيت السودانى باريزونا

بطرى اللي آمال وغاية
وما بتحمي المقدور وقاية يسلم نهجي من الرماية

سفري السبب لي أذايا فرقة وفقدان هنايا
بطرى حبيب املي ومنايا وابكى على هذي النهاية
وببكى على تهديم بنايا ليت علي ناح

فيك يامصر أسباب أذايا وفي السودان همي وعزايا
صابر ولم اعلم جزايا والتأويه اصبح غذايا
صرت مسلم لي ردايا زي طاير مكسور جناح

دهري أن صابني بكل خفايا وحطم وعكر لي صفايا
برضي على حبي و وفيا واعلم في وجودك شفايا
شي من لا شي بس كفايا علو بسمتك اجد نصاح

ماذا اوْمل………ماذا اوْمل
ماذا اوْمل حيران ببكي وبامل
ولهان ببكي وبامل وحيد ببكي وبامل

آآآآآه ياهوايا وآآآآآآآآآآآآه يامنايا
وحيد سهران برايا انيس دمعي وبكايا
آآآآه ياكناري وآآآه ياقماري
طيري لي تعالي وحيد ليلي ونهاري