التصنيف: اغاني

بالبدر أو بالزهر هم ما أنصفوك .. الأوصفوك
كيف يجهلوك ، وعلي الجمال العادي راحوا يمثلوك !
و لو بادلوك عين الحقيقة أو بالبصيرة تأملوك ..
بالنور أو بالنار أو بقدر ما صاغ الخيال … ما عادلوك !!
كوكب منزه في علوك
سرك غريب ، و شخصك بعيد ..
أو كان قريب ؛ أنوارو آخذة بدون سلوك !
يبرق سناك في غيهب الليل الحلوك !
أكرم شمائل زاملوك !
و هم أكملوك !
أدبك هبة !
و فيك موهبة !
حسن الظبا !
وطبع الملوك !!

انا بعشقك ما شفت انسان ادمن الريد منو تاب***
بعشقك ما شفت مجنون غير طبيبو يمسو طاب***
إلا خايف عمري يكمل ولسه في صبري العقاب***
وكنت بمد ايامي لو لا ان لكل اجل كتاب

في بنانك إزدهت الزهور
زادت جمال ونضار وطيب
يامداعب الغصن الرطيب
يالمنظرك للعين يطيب
تبدل الظلمات بنور
وتبدل الأحزان سرور
إن شافك المرضان يطيب
زادت جمال ونضار وطيب
يامداعب الغصن الرطيب
تعجبني والشيء العجيب
هادئ واليف ماك النفور
بى عفتك صنت السفور
والحسن والأصل النجيب
زادت جمال ونضار وطيب
يامداعب الغصن الرطيب
أنا وأنت في الروض يا حبيب
راق النسيم وحلى للمرور
بقى أحلى من ساعة السرور
وأدق من فهم اللبيب
زادت جمال ونضار وطيب
يامداعب الغصن الرطيب
والروضة في موقع خصيب
حضنوها وإتلافوا النهور
ترى فيها أنواع الزهور
من كل لون أخدت نصيب
زادت جمال ونضار وطيب
يامداعب الغصن الرطيب
يانع ثمارها ونص وطيب
أشبه بربات الخدور
الإنبرجن في يوم حبور
زادت جمال ونضار وطيب
يامداعب الغصن الرطيب
في الروض غنى العندليب
ورددوا غناه الطيور
ترتيل أناشيد الحبور
وفتيانها يوم عيد الصليب
زادت جمال ونضار وطيب
يامداعب الغصن الرطيب
دنت الثريا بقت قريب
بين السلوك في تاني دور
في ثانية كم سطعت بدور
وأهلة كان نوعن غريب
زادت جمال ونضار وطيب
يامداعب الغصن الرطيب
شيء ينعش الروح في الأديب
ويحيي روح ميت الشعور
للقاك تنشرح الصدور
ويفرح القلب الكئيب
زادت جمال ونضار وطيب
يامداعب الغصن الرطيب

رشقتني عيونو جذبتني فنونو وبقيت مجنونو من أول نظرة

من أول نظرة لم آخد حذره
غير اني هويتو
في قلبي أويتو
قدرت جمالو وأغراني دلالو
أوريهو فنوني
يوريني فنونو

الحياء والنضره
والتيه والجبره
هم مصدر شوقي
ومصيبتي الكبرى
بالحب أبلاني وكمان خلاني
أجيد أشعارو حبيبي شعارو
ده جمال يسحرني
بي لونو ولونو

فيك ياذو الإمرة عاجباني رشاقة
تقسيمه وضمرة
في عيونك خمرة
فوق لونك سمره
في خدودك حمره
الليل والقمرة
ضدين واجتمعو
ثمارك ينعو
بقامتك رنعو
حواري زمنا وحسان الجنة
بالنسبة لحسنك
أيه يعني يكونوا

يا تومي طرينا دقات النقارة
يا تومي طرينا صفقات الطنبارة
الحلوات بريدن بنات البقارة
الجات واردة رهيدا من قلبي بريدا
النديان خديدا و الريد البي بي بي
ما حبيبتي بريدا
الجات مارقة قميرا لافة الليل ضفيرا
السمحة الخديرا وين العين نديرا
في قليبي سعيرا

أنا فاكرك معايا وين حبيبي فاكرك معاي
تسعد بي سعادتي وتشقى عشان شقاي
أنا فاكرك معاي وانت مع المظاهر
وماراعيت ضنايا وظلمك لي ظاهر
سهرت الليالي سليتني سلبت عودي
باب غفراني فاتح ليك لو عدته عودي
ديمة عشان رضاك انا باذل جهودي
ما راعيت ضناي وبلواي سهودي
تسمع كل واشي قولو عليك يكتر
عدو في توب صديقك اتوارى وتدثر
كل الناس بتغلط ما بحمل عليك
تعال خليني واصل اسفاري في عيني

عود لينا يا ليل الفرح
داوي القليب الانجرح
قول ليهو يفرح مرة يوم..
طول عمرو ناسيهو الفرح

عود لينا يا ليل الفرح

عود لينا ما تبكي العيون..
الشاربة من بحر الخجل
عود لينا ما تعذب قلوب..
مليانة بتفيض بي الامل
عود لينا قبال الخريف يرحل..
يسيب ايامنا للصيف للمحل
إمكن تفيض اشواقنا يوم
وريدي لي طيفك يصل

عود لينا يا ليل الفرح

لكن يا ليل كيفن تعود..
تتحدي ليل..
اسود ومن احل العطور..
رويان يسيل
كيفن تعود والليل بيتوسد ضفاير
حبى زى طفلا صغير شايلنو شيل
اتغنى بى حلو الاغانى
الطيبة راجيك من قبيل

عود لينا يا ليل الفرح

_
كلمات دكتور عبد الله محمد سليمان

ﻳﺎ ﺍﻣﻲ ﺍﻟﺒﺮﻳﺪﻙ ﻳﺒﺎﺭﻙ ﻓﻰ
ﻋﻤﺮﻙ ﻳﺰﻳﺪﻙ
ﻋﺸﺎﻥ ﻳﺎ ﻳﻤﻪ ﺗﺮﺿﻰ ﻋﻠﻰ
ﻭﻟﻴﺪﻙ
** ** **
ﺕﻣﻨﻮ ﺍﻟﻤﺘﻞ ﺍﻣﻰ ﻣﺎ ﺑﻴﻌﺮﻑ
ﻳﻌﺎﺩﻯ
ﻣﻨﻮ ﺍﻟﻤﺘﻞ ﺍﻣﻰ ﺑﺴﺘﺤﻤﻞ
ﻋﻨﺎﺩﻯ
ﺻﻐﻴﺮ ﻳﻤﻪ ﻓﻮﻕ ﺣﻜﺮﻙ
ﺭﻗﺎﺩﻱ
ﻭﺍﻧﻮﻡ ﻓﻰ ﺻﺪﺭﻙ ﺍﻳﺪﻙ ﻟﻲ
ﻭﺳﺎﺩﻯ
** ** **
ﺍﻥ ﻣﺮﺿﺖ ﺍﻧﺎ ﻳﻤﻪ ﻟﻴﻠﻚ ﻣﺎ
ﺑﺘﻨﻮﻣﻲ
ﺗﺸﻴﻠﻲ ﻣﻌﺎﻱ ﻧﺺ ﺍﻟﻠﻴﻞ
ﺗﻘﻮﻣﻲ
ﺍﺷﻮﻑ ﺩﻣﻌﻚ ﻳﺘﺼﺒﺐ ﻓﻮﻕ
ﻫﺪﻭﻣﻲ
ﻭﺍﻥ ﺿﺎﻕ ﺑﻰ ﺍﻟﺤﺎﻝ
ﺗﺼﻮﻣﻲ
** ** **
ﻍ ﻟﻘﻴﺖ ﺍﻟﻌﺎﻓﻴﻪ ﺑﻬﺮﺏ ﻣﻦ
ﻳﺪﻳﻜﻲ
ﻭﺍﻫﺎﺟﺮ ﻓﻰ ﺍﻟﻤﺮﺍﺳﻴﻞ ﻣﺎ
ﺑﺠﻴﻜﻲ
ﻭﺍﺩﻗﺪﻕ ﻓﻰ ﺍﻻﺑﻮﺍﺏ ﻭﻳﺠﻮ
ﻳﺸﻜﻮﻧﻰ ﻟﻴﻜﻰ
ﻭﺍﻧﺪﺳﻪ ﻣﻦ ﺍﻟﻜﺒﺎﺭ
ﻭﺍﺗﺤﺎﺭﻯ ﻓﻴﻜﻲ
** ** **
ﺻﻐﻴﺮ ﻳﻤﻪ ﺍﻛﺮﺑﺶ ﻓﻰ
ﻭﺭﺍﻛﻲ
ﺑﻤﺴﻚ ﻓﻰ ﻃﺮﻑ ﺗﻮﺑﻚ
ﻣﻌﺎﻛﻲ
ﺗﺮﺍﻧﻲ ﻛﺒﺮﺕ ﻳﻤﻪ ﺍﻧﺎ ﻭﺩ
ﺣﺸﺎﻛﻲ
ﻳﻘﺪﺭﻧﻲ ﺍﻟﻠﻪ ﻳﻤﻪ ﻋﻠﻲ
ﺟﺰﺍﻛﻲ

ارض الخير افريقيا مكاني..زمن النور و العزة زماني
فيها جدودي… جباهم عالية…. جباهم عالية..جباهم عااالية
مواكب ما بتتراجع تاني
اقيف قدامها و اقول للدنيا انا سوداني
انا افريقي انا سوداني
انا بلدي..بلد الخير و الطيبة
ارض و خزاين..فيها جناين
نجومه عيون للخير بتعاين
قمره بيضوي ما بغيب ابداً داايماً باين
نوره بيهدي ليالي حبيبة
عليها اغني و اقول للدنيا انا سودااني
انا افريقي انا سوداني
شمسك طلعت و اشرق نورها بقت شمسين
شمس العزة و نورها الاكبر
هلت شااامخة زي تاريخي قوية و رااسخة
ملت الدنيا و خيرنا بيكتر
خيرنا بيكتر خيرنا بيكتر
شمس ايماني بأوطاني
دا الخلاني اقول للدنيا انا سودااني
انا افريقي..انا سوداني

يا صوتها
لما سرى عبر الأثير معطراً
مثل الحرير نعومةً
ونداوةً وتكسراً
مثل الصباح
طلاقةً و رشاقةً
وتخضراً
وهما حنيناً حالماً
وصبابةً وتأسراً
لما سرى
يا صوتها لما أتى
لما سرى لما أتى
وتدفقت كلماتها
دفئاً نديياً اخضراً
عبقاً يضوع برآءةً
شذاً يفوح تخضراً
يا صوتها لما سرى
لما أتى لما سرى
سكراً ولا كأساً تُرى
يا صوتها ياروعة
لحناً طبيعياً سرى
هذا الكنار مغرداً
والناى ناح تأسراً
والعندليب إذا حكى
شوقاً تدفق أبحُراً
ماذا يكون وصوتها
صوت السماء من الثرى
يا صوتها لما سرى
عبر الأثير معطراً

قبال ميعادنا بساعتين أبيتو أنا وأباني البيت

أغالط نفسي في أصرار وأقول يمكن أنا الماجيت

وطالت وقفة الأشواق معاي جمب المكان ذاتو

أنا ورعشة ظلال الليل وقلبي حزينة دقاتو

وفات ميعادنا فات روح وشال الليل حكاياتو

أنا المستني في الميعاد وليك حبل الصبر مديت

وأغالط نفسي في أصرار وأقول يمكن أنا الماجيت

تخيل كيف مشاعري أنا أنا المصلوب علي الميعاد

أعود كيفن ملآن غربة وأشيل الليل عذاب وسهاد

وياريتك ما وعدتينى وياريتنا نحن كنا بعاد

وبرضي رجعت متصبر معاي خطواتي راجعة البيت

وأغالط نفسي في أصرار
وأقول يمكن أنا الماجيت

قلبي الحابيك ما خان لياليك
ما ناسي الماضي ماتقول ناسيك
ما بدل حبو ابدا ماتنكر ليك
لكن الأشواك والنار حواليك
يانور العين
يانور العين انت وينك وين

في اللون الأسمر ذوبت شبابي
وعشقت الجنة وفي الجنة عذابي
صابر وبتألم ولمر دا شرابي
ياحليل الراحو ياحليل احبابي
يا نور العين
يا نور العين انت وينك وين

الشعر الناعم بي عطرو اسرني
والوجه الناير بي نورو غمرني
عيونو النعسانة برموش تجرحني
خلتني متيم وين راحت مني
يا نور العين
يا نور العين انت وينك وين

انا والأنغام والعود في ايدي
بحكيلو حكايتي ويعيد ترديدي
واشكيلو بهمسة أوهبتو نشيدي
ياما الأوتار تفضحني من ريدي
يا نور العين
يا نور العين انت وينك وين

رحت خليتنا
تاني ما جيتنا
لو مغالطنا
ما مصدقنا
أسأل العنبة الرامية فوق بيتنا

خاينة يا دنيا وظالمة يا دنيا
قاسية يا دنيا وظالمة يا دنيا

قلنا نتصبر
لا لا ما بنقدر
الصبر قاسي والمحبة قدر

الزمن غدار
ظلمه ما بندار
حني يا دنيا
واقبلي الأعذار

خاينة يا دنيا وظالمة يا دنيا
قاسية يا دنيا وظالمة يا دنيا

قلنا للقمرة
سافري من بكرة
ختى في قلبه
شتلة الذكرى

خاينة يا دنيا وظالمة يا دنيا
قاسية يا دنيا وظالمة يا دنيا

وانت عارفنا
ده العذاب شفناه
الشقا وعشناه
الله يغفر ليك من ضياع ريدنا

خاينة يا دنيا وظالمة يا دنيا
قاسية يا دنيا وظالمة يا دنيا

قلنا نتصبر
لا لا ما بنقدر
الصبر قاسي والمحبة قدر

خاينة يا دنيا وظالمة يا دنيا
قاسية يا دنيا وظالمة يا دنيا

المطر رش
الغمام خش
كانت آمالنا
نحيا في عشة

خاينة يا دنيا وظالمة يا دنيا
قاسية يا دنيا وظالمة يا دنيا

قالوا الزمن دوار .. يا بسمة النوار
يا ريت تعود أيامنا .. و نكمل المشوار
يا قلبي يا سواح .. قول لي متين نرتاح
دمع الحنين خلانا .. ما بنعرف الأفراح
قالوا الزمن دوار .. يا بسمة النوار
يا ريت تعود أيامنا .. و نكمل المشوار
مهما رحلنا بعيد .. أقدارنا ما في الإيد
و الذكريات يا قلبي تحفظ جميل الريد
قالوا الزمن دوار .. يا بسمة النوار
يا ريت تعود أيامنا .. و نكمل المشوار
طار البلوم حيران .. بسأل عن الحبّان
تغيرت دنيانا .. و إتفرقوا الحبّان

يمين لا عندي نية الرجعة
لاطاف بالخيال ذكرا
قلبي انا مابهملوا ليك
تاني تضوقي المرة
ارجوك لاتصحي الماضي جرح الماضي دابو برا
خلي امالي والاحلام تنوم مرتاحي في قبرا
بين الويل وسهر الليل
الروح كملت صبرا
ونفح الذكريات كيف مرة
وما ادراك ماالذكري