فيديو النيلين

كلمات/ محمد الحسن سالم حميد.غناء والحان الفنان الراحل / يس عبدالعظيم. مشاركة أداءالفنان/ عادل عثمان الطيب.

في عز الليل .. ساعة النسمة ترتاح .. على هدب الدغش وتنوم أنا مساهر ..
هد الحيل .. غرامك
واجترار الذكرى ..
طيفك في خيالي يحوم ,,
ويا هاجر ..
*****
انا والليل .. ومر جفاك
مساهرين نحكي للافلاك
لاخلصت حكاوينا ..
لالقينا البداوينا ..
يامشهيني طعم النوم ..
وطيفك في خيالي يحوم ..
وياهاجر ..
*****
سنين مرت . . ومروا سنين
.. وبراك عارف وبي ادرى
والحال ياهو نفس الحال
وفي جواي صدى الذكرى ..
وجرحك ياغرام الروح
لاطاب لابيدور يبرئ ..
ده جرحك مهما طول وغار مطبوع فيني بالفطرة ..
وبين الذكرى والنسيان . .
مسافة قريبة يا انسان ..
*****
ولو حاولت تتذكر ..
تعيد الماضي من أول
تلقى الزمن غير ملامحنا
ونحن بقينا مانحن ..
وانا الصابر على المحنة ..
ولو كان الزمان قساك
.. انا ماقسيت ..
ولو في يوم زمن نساك
انا مانسيت ..
وفي عز الليل ياهاجر
. . أنا مساهر ..

المهندسة امينة كيوشن جاءت الى السودان قبل عشرون عاما .. متزوجة من سودانى و لها ابناء .. لقاء جميل على قناة النيل الازرق .. متابعة ممتعة

الفنان الراحل نادر خضر- كيف تفارق
كلمات دكتور الفاتح حمدتو — الحان نادر خضر
برنامج ليالي الطرب — تقديم نسرين سوركتي

الفنانة إنصاف فتحي – أغنية بلغة التغريني
للشاعرة سميره البلوي
مهرجان تكريم الشاعر اسحق الحلنقي

محمد حاتم سليمان مدير تلفزيون السودان فى نادى الاعترافات مع عادل سيد احمد

يا نسايم
جيبي ليّ اخبار حبيبي
وشوفي ليه؟
قاطع الرسايل يا نسايم اعلو طيبي

اصلو طوّل مني غايب
وماني عارف كيف اطولو
ولسه مترقب مجيهو
وما عرفت متين وصولو
الامل سايق خطايه
وراجي تتغير فصولو
ومنتظر ازهارنا تزهر
بالحنين تغمر حقولو

شيلي اشواقي وحنيني
وامشي لي ارض المحنه
وقولي لي زولي البريدو
مالو لو يوم قلبو حنه
يا حبيبي انا ما نسيتك
لا يشيل خاطرك مظنه
وافتقدك حنان رسايلك
وروعه الناس في بلدنا

يا نسايم
اوعي تقسي
ولي حبيب الروح تلومي
وياما كفكف لي دموعي
وشال معاي المي وهمومي
راضي عنو اذا تجني
وطيفو ما سافر نجومي
بكره شمسو اكيد بتشرق
وتنقشع ظلمه غيومي

قولي ليهو
عشان عيونك
في دروب الشوق مسافر
لو الاقي خريف يجيبك
شايل الافراح بشاير
وحتي لو طال ارتحالي
وما لقيت لي دربي اخر
ما بشوف غيرك حياتي
وغير عيونك ماني داير

ما خلاص يا غالي هانت
والاماني بقت قريبي
وجاي ليك ارتاح معاك
وانسي مر ايام صعيبي
بكره نرّجع لي بلدنا
ونبني دار بالريد رحيبي
وتاني تخضرّه السواقي
وبالفرح ينقر دليبي
يا نسايم

يحكي احد مسلمي جبال النوبة ان هناك مسلمون كثر في جبال النوبة وكذلك المسيحيين ” ، ويضيف ” يجب الا يتم اقحام الدين في السياسة ” ، فيما يقول القسيس دانيال ” نعم يجب الا يتم اقحام الدين في الدولة والناس اذا كانت بينهم المحبة كما تقول تعاليم الدين فانه لن تكون هناك حرب بينهم ” .

يا راحــــلين إلـى منـى بقيـادي —هيجتموا يوم الرحيـل فـــــؤادي

سرتم وسار دليلكم يا وحشتـي —-الشوق أقلقني وصــوت الحـادي

وحرمتموا جفني المنام ببعدكـم— يا ســـــاكنين المنحنـى والـوادي

ويلوح لي ما بين زمزم والصفا —عند المقام سمعت صوت منادي

ويقول لي يا نائـما جـد الســُـرى —عرفات تجـلو كل قلب صـادي

من نال من عرفات نظـــرة ساعة —نال الســـرور ونال كل مــراد

تالله ما أحــلى المبيت على منـى —في ليل عـــــيد أبـرك الأعيـــاد

ضحوا ضحاياهم فســال دماؤهــا —وأنا المتيم قد نحـــرت فـؤادي

لبسوا ثياب البيض شــارات اللقاء —وأنا الملوع قد لبسـت سـوادي

يارب أنت وصلتهم صــلني بهـم —“فبحقهـم” يـا رب فُــــك قيـادي

فإذا وصلتـم ســــــالميـن فبلغـــوا —مني الســلام أُهيـل ذاك الـوادي

قولوا لهـــــــم عبـد الرحيـم متيـم —ومفـــــــارق الأحـبـاب والأولاد

صلى عليك الله يا علـم الهـــــــدى— ما ســار ركب أو ترنـم حـادي

راجل السترة ما تفكي
لوكي القرضة وامسكي في
بيت حلال ما تخربي
لوكي المرة وامسكي في

بي الفي المافي عيشي معاه
بيت جالوص وضي شمعة
شن المرة بلا السترة
وشن الزول بلا السمعة

فقرو وعدمو ما عيبة
بعيد عن شبهه أو ريبه
في لقمةحلال صافي
ليك بيخدمه يجيبه

الغنه والروقة من الله
جوعة ولا شبع زله
قال يا الله يا رازق
ما قال يا محسنين لله

راجل العيشة ما ساهل
وين بيتلقي هو بالساهل
عدم مع حسيس بفهم
ولا بوبار مع جاهل

صلي الصبح وقام حاضر
وقال يا مهون يا ساتر
الفي جيبو ختاها
عدم الهلله وقال حاضر

اوعه الصاحبة الحاسده
عديمة فهم وما راشده
بتخرب بيتك وتخربو
وتعمل ليك ما قاصده

وما تسوقي الغلط تبعه
عايزة تهمل السبعة
تسيبك ام واولادك
والمجتمع يقول كعبه

دحين ابقي عليه عشرة
وصونية وقدري العشرة
يجازيك الله في طاعته
حسنتك تجزئ بالعشرة

جمر الغرام حرقنا
يا غاليه وين خوتنا
أيامنا عدت ونحن
لليله فى حرقتنا
حقيقه قالو الريد
ده قسمه ما بالإيد
الشوق يفيض ويزيد
حرق لهيبو شديد
فى قلوبنا نارو تقيد
اه منو
الله منو
طول ما نحن ندهنا
حلونا من دى المحنه
جمر الغرام حرقنا
وفى ساحتو نحن هلكنا
كم متنا وإستشهدنا
اه منو
الله منو
يا ناس خلاص جنينا
شوفولنا وينو حبيبنا
جمر الغرام ماذينا
ولع قلوبنا كمينه
زاد العلينا شديد
اه منو
الله منو
وين نلقى راحة البال
والمرقه من الحال
جمر الغرام ….
جيوشو ترمى نبال
طول قليب غرقان
اه منو
الله منو

أجرت قناة BBC عربي حواراً مع المرتدة السودانية مريم ابراهيم والتي شغلت الراي العام بسبب قضيتها الأخيرة, والتي أتهمت بالردة وتم حبسها بتهمة الزنا والردة, وحكم القضاء السوداني بإعدامها, إلا أن قرار محكمة الإستئناف حكم عليها بالبراءة.

وتم إستضافة مريم ابراهيم الشهيرة باسم أبرار علي هذه القناة خلال الاسبوع الفائت وتم طرح العديد من الأسئلة عليها.

وقالت أبرار خلال هذه المقابلة إنها تعرضت لضغوط من قبل سلطات بلادها. وأضافت قائلة: لم توجه لي إي تهمة تجعلني ادخل السجن بل كان يجب أن يتم محاكمتي من المنزل بحيث أحضر الي المحكمة من منزلي.

وأضافت حبثي في السجن أعتبره نوع من أنواع الضغوط حتي إستجيب للتهم المنسوبة لي.

وذهبت مريم أبعد من ذلك وقالت: أن الكثيرين في السودان يعانون بسبب القوانين الحالية الموجودة في السودان, واضافت: أن القوانين المتعلقة بالحريات الدينية في السودان بحاجة الي مراجعة.

وواصل حديثها قائلة: للآسف الشديد في ناس كتيرين في السودان بعانوا بسبب القانون, وأن القانون بدل أن يكون حماية للانسان أصبح مصدر أذي للانسان علي حد وصفها.

قوم يا ساحر
وخلي النوم
بغني عشانك ارقص قووم
يلا ي ها قوم
روعة يا انت اسمك مين..
شايل نومنا وسارح وين…
هنا يا غالي ليك دارين
جوه قليبي وجوه العين
عديلة جدايلك نسمة صيف
عدت فينا وابت م تقيف
داير اعرفك ارسل كيف…
اخير اناوم وارجي الطيف
تعال ي الطيف
حلوة عيونك ف النوم
بنعاني سهرنا وانت تنوم
اقيف ي عمرنا وقف يوم
الليله اليوم الليلة اليوم
الليلة اليوم بس اليوم
قوووم يا ساحر

إنتي ما مشتاقة ليا
يعني ما مشتاقة ليا
و الا ما عارفة العليا
يعني ما مشتاقة ليا
لو خلاص خليتي ريدي
يكفيني خاتمك في يديا
يعني ما مشتاقة ليا
ما زمان قبال أسيبك
كان فراقي صعب عليكي
شلت جرحي و فت منك
همي كان بس كيف أجيكي
شلت شوق الدنيا كله
داير أحس بي شوقي فيكي
بس لقيت اللهفة راحت
حتى عينيك ما عينيكي
ما زمان قبال أفارقك
قلتي لي أوعك تطول
قلبي دايماً في رجاكا
المحال غيرك يبدل
عشت بعدك كلي ذكرى
أمسي بي طيفك و اقيل
الليلة قلبك لو نساني
غير عيونك وين أقبل
شلت فرحي و جيت اسالمك
قايلك إنتي تحسي بيا
إنتي ما إنتي الزمان
لامن قليبك بالفرح يحضن إيديا
إنتي ما إنتي الزمان أنا
أصلي ما مصدق عينيا
داير افوت يا غالية منك
أبكي و احضن في الأسية

ياجميل يا مدلل قولي ليه بس حكم الغرام قد حلل
عذابي يدوم

ياجميل يا مدلل كل ما اطراك بالدموع اتبلل
جسمي صار منحول والمنام يتقلل
طرفو لي رؤياك دمعو اكبر وهلل
جفاني النوم

بالعلي لا تجهل يا حلو النغمات يا لذيذ المنهل
نارو حارقة الجوف و المدامع تبهل
بعد هذا الحال هل وصالك يسهل
تحن يا ظلوم

ليل ضفليرك مسدل يا رشيق القامة والمعاطف الهدل
القوام ممشوق و المعاصم جدل
ده البخلي اليك حبي ما لا يتبدل
يزيد كل يوم

ما العقول تتخيل والاديب للقاك يتهبل
بيد اني عزيز خفت في المستقبل
اهدي ليك الحب وانت بي ما تقبل
اكون محروم

في هواك لو اعزل برضي لا انساك في الخيال اتعزل
العجيبة كمان قلبي صار ليك منزل
انت فوق للقوس
والسماك الاعزل

كل الحبايب بزعلو يا حبيبي لكن ما كده
شوف يا جميل كم زمن وانا حولك بفاوض المستحيل في ظروف غريبة معقدة
ناديت هواك بأعلى صوت ما لقيت معاك غير السكوت
دمعات تجي ودمعات تفوت والحلوة بينا مسهلة
ممكن اكون غلطان معاك في كلمة جات من غير قصد
حساس وحاتك يا ملاك يارقه الندى والورد
وكللل الحبايب بزعلو يا حبيبي لكن ما كده

يا حـنوني وعليـك بـزيـد في جـنـوني الليـلة
&&&
حـبيـب منعت وصالك ضيعت كـل ظنـوني
حجبت عني خيالك وكيف رضيت بشجوني
&&&
من يوم عشقت جمالك جيوش هواك أضنوني
تزيد علي في دلالك وأزيد عليك في جنوني
&&&
بنـورك المتـوهـج يا الأخضر الليـموني
خـتفـت موية بـصري وعـميت عـلـي عيـوني
&&&
يا من سكنت فؤادي أخـبرني كيف سكوني
وأخـبرني كيـف أشـاهـد منـاظرك الهلـكوني
&&&
حـاولت أداري وصالك أحـبابي حين سألوني
عـنك وعـن أخـبارك وعـن عـيـون شغـلوني
&&&
إذا انتـظرت وصالـك عـزالي ما خـلـوني
كفـاك تـعـال أدركني جـفاك مغـير لـوني