التصنيف: اغاني

الزهور والورد شتلوها جوه قلبي
عشان حبيبي تذكارو ديمه عندي
وطيف جمالو متى انت غبت عني
اجتمعنا في تهني وتمنى
ثم افترقنا وكأني ما كاني
فيا صحابي يكفيني صنت عهدا
من الموده وجزائي كان صدا
الجور تفشى
والهجران تبدا
والحب ده ولى والاخلاص تعدى
ترك حمامه تخبرني بيه ياما
تقولي اصبر في العجله الندامه
وكم صبرنا كم كم الاما تضيع عهودنا
وتحرمنا من غرامه
حبيبنا شرف واخدني في هدومو
عرفني بزعج وتدلى من نجومو
ليه ليثبت انو وحيات عيونو
شوفتو مره حاجبو قمره
منحني نظره قلبي فره
شوف جمالو كيف اجرى
دلال معظم كله جبره

الشاغل الأفكار سلمتو قلبي و سار هل من عودة لي
قابلتو دون أستار و سعدت بيهو مرار هل من عودة لي أخلص لي و الإخلاص يا ربي لينا يدوم و لمست فيهو شعور لي غيري ما معلوم و تراني الليل و النهار أنا اشكي و أنا أبكي الكنار عن حبيب الشالو القطار الشاغل الأفكار سلمتو قلبي و سار هل من عودة لي يلاك نزور الديار الفيها قطف الثمار هل من عودة لي يا حليلو ريدنا النبيل يا حليلو ريدنا الطويل أنا كم رشفت رضاب من شفاهو السلسبيل تشهد نجوم الليل تشهد زهور الخميل و فيما يجدي الملام أو يزكر السمار المح ظبي الديار هل من عودة لي لشاغل الأفكار سلمتو قلبي و سار هل من عودة لي
خف الحبيب إختار عرفتو اني محب أنظم جواب أشعار عرفني منو وداد ملأ قلبي أشعار فتعال يا أسغار يا الشاغل الأفكار نفرح مع الأطيار و الحب يصفو لي
لشاغل الأفكار سلمتو قلبي و سار هل من عودة لي

يا بت ملوك النيل يا أخت البدور

مين لى علاك ينيل فى البدور والحضور

الجبرة فيك بتخيل محمية الحما

الما حام حداه دخيل

ما أبوكى بخيل بت عز الرجال

أهل الدروع والخيل

والهنا… والسرور

يا السامية ست الجيل طرفك من حياء

فى عصر السفور خجيل

حسنك وضع تسجيل فى صحف الدهور

يتلوه جيل عن جيل

لى يوم النشور

الهيفا يا الخنتيل حروف آيات محاسنك

أرتلن ترتيل

يعجبنى فيك تمثيل أخلاق الملاك

فى سطوة القتيل

الفارس الجسور

غصنك رطيب وعديل شعرك ليل

جبينك يخجل القنديل

النور عليكى سديل يا معنى الجمال

الما أتوجد له عديل

فى ناس ولا حور

فقتى الكانوا قبيل ما خدات فى الجمال

جائزة نوبيل

حيرتى كل نبيل عيناك سحرهن

يسحر سحر أبابيل

يخترق الصدور

يا صاحبة الأكليل ما أظن النهار

العين تدور له دليل

محياك نوره جليل كنت أقول شمس

لو ما الزمان كان ليل

أن عليك نور

لا زلت ليك أميل يا رمز السعادة

الما أتوجد له زميل

يا آية التكميل يا مراية الجمال

الفيكى كل جميل

ريحانة العصور

شيال الحمول دخرينا الفارس أخوك يالزينة في الفنجري بجر النم ده البضبح بقول حرم مابشيل حاشه دية دم ما بسأل بيقول بي كم ودناساً أصيلة قبيل سوداني وبيعادل الويل مساح للدموعو تسيل ويكرم ضيفو هجعة ليل الكرم المعاهو بشاشة ده العين الغزيرة رشاشه ما بميل للهوانات حاشه كذاب البدور غشاشه دمعت الخصوم يا مد يوم جابو حديثهم ليك دكيت لحصونهم دك وجيلك النصر لا شد

صابر معاك صبرا طويل كاتم العلى
واصلو العلى ما مرَ يوم بخيال بشر
لو قلتى قيس والله قيس بالنسبة لى
لا شاف عذاب لاضاق ألم لا قاسى مر
من كم سنة يا ستنا .. من كم سنة
عايش معاك زى الغريب وايامى لافيها الضنا
من كم سنه
قلبى الحزين زى اليتيم لا ضاق حنان لا شاف هنا
من كم سنة ماقلت لى اخبارك ايه ملك مشيت من حينا
لا جيتى مارة علينا يوم زرتينا يا جارة الهنا
ولا قلتى يوم أسال عليه الزول قريبنا ومننا
السمحة يا ست البنات يا ست عذابنا وكلنا
مخلوقة انتى تعيشى فوق وتكونى فوق ماجنبنا
ما ست سماحة وست جمال ما زى بناتنا وزينا
تعبانه ليه ماتسالى مجبور عليك بسأل انا
اروح اجيب ضى النجوم منظوم عقود لى بتنا
حزمة صباح وانفاس عطور وأمشاط حرير لى ستنا
اصير جميل عشان عينيك تنساب موسيقة ودندنة
شاعر عشان خاطر بسيمتك يقول حروفو عليك غنا
ماقلوبنا عندك من زمان ياست قلوبنا وستناصابر معاك صبرا طويل كاتم العلى
واصلو العلى ما مرَ يوم بخيال بشر
لو قلتى قيس والله قيس بالنسبة لى
لا شاف عذاب لاضاق ألم لا قاسى مر
من كم سنة يا ستنا .. من كم سنة
عايش معاك زى الغريب وايامى لافيها الضنا
من كم سنه
قلبى الحزين زى اليتيم لا ضاق حنان لا شاف هنا
من كم سنة ماقلت لى اخبارك ايه ملك مشيت من حينا
لا جيتى مارة علينا يوم زرتينا يا جارة الهنا
ولا قلتى يوم أسال عليه الزول قريبنا ومننا
السمحة يا ست البنات يا ست عذابنا وكلنا
مخلوقة انتى تعيشى فوق وتكونى فوق ماجنبنا
ما ست سماحة وست جمال ما زى بناتنا وزينا
تعبانه ليه ماتسالى مجبور عليك بسأل انا
اروح اجيب ضى النجوم منظوم عقود لى بتنا
حزمة صباح وانفاس عطور وأمشاط حرير لى ستنا
اصير جميل عشان عينيك تنساب موسيقة ودندنة
شاعر عشان خاطر بسيمتك يقول حروفو عليك غنا
ماقلوبنا عندك من زمان ياست قلوبنا وستنا

نسانا حبيبنا الما منظور ينسانا
مالو سافر روح ما غشانا
حليل الخوه الما قدَّر عشانا

نسا نا حبيبنا وعارف ريدنا هولو
عشانو بتمشى قلوبنا مع رحيلو
تسافر بينا لي دارو ومقيلو
نقول فارقنا سافر ياحليلو

نساهر ونشقى لو ينفع شقانا
تسيل دمعاتنا بي شوقا وحنانا
عشان ما يطرى ريدتنا ومنانا
يذكر قلبو ايامو المعانا

كيفن يرضى يتحمل قليبو
الزمن قساهو نسى إخلاص حبيبو
يامعذبنا ما قادرين نسيبو
نقول لابد بكره الشوق يجيبو

وحات الريده ما بننسالو عشرة
آه يا دنيا لو في بالو مره
اتذكرنا او بس طيفنا مره
كان يا حليلو عرف الفرقة مره

طول يا ليلى لي همي وأسايا
وأشهدي يا نجوم سهدي وبلايا
خلاص في حبو ضاع أملى ورجايا
بقيت وحيد نجوم الليل عزايا

ماترحلي ماترحلي خليك معاي لوترحلي بزيداساي اصبري حاتقدري عشمك هواي بس فكر راحتعرفي انك جواي انو الزمن رغم المحن اهداك صباي عشتا الشجن لما بكن معاي اتمهلي وشيلي لامل اتحملي وانسي الحصل بهديك صباي ازكري وعشان هواي حاتفرحي حاتقدري اتم مناي ماترحلي خليك معاي لو ترحلي بزيد اساي خليك هنا جمبي وحداي

ماذا يكون؟ .. ماذا يكون حبيبتي؟ .. ماذا يكون؟

يا جرح دنياي الّذي لا يندمل

يا من تركت القلب ينزف في أنين

حسرات لحظات توالت في وجل

كصدي يطير مضيّعا عبر السنين

*******

ماذا يكون حبيبتي؟

ماذا يكون.

*******

بعد الّذي جرّته أيّام العذاب

و توشّح القلب المولّه بالسراب

وهو الّذي يلقي الصباح علي أمل

و يبثه من وجده شوق الكنار

وينضّد النغم المورّد للنهار

حتّي مع الّليل المخيّم بالظلام

يهب الحياة غناؤه…

يهب الفنون.

*******

ماذا يكون حبيبتي؟

ماذا يكون؟

*******

بعد الوعود وقد تلاشت و انطوت

بعد البراعم في أكمّتها ذوت

بعد العناد و قد توشّح بالظنون؟

*******

ماذا يكون حبيبتي؟

ماذا يكون؟

*******

و مع السلام

لك من فؤادي باقة الحبّ الحنون

لك من عيوني دمعة المزن الهتون

لك من جنوني، يا جنوني، ألف لون

لك من فؤادي ما يكون و لا يكون

و لك السلام و لهفتي

و تساؤلي:

ماذا يكون حبيبتي؟

ماذا يكون؟

أوتذكرين صغيرتى
أو ربما لا تذكرين
الخمسة الأعوام قد مرت ، ومازال الحنين
الشوق والأحلام ،ما زالت تؤرق ، والسنين
هل كان حبا يا ترى أم كان وهم الواهمين؟
هل كان حبا لاهيا
أم كان شيئا كاليقين
هل كنت تعنين الذى لى تدعين
ما زلت أذكر خصلة
عربيدة فوق الجبين
ما زلت أقرا فى السطور
فأستبين البعض أو لا أستبين
والعطر والأنسام تغمرنى
بفيض الياسمين
منديلك المنقوش جانبه
أوتذكرين .. وتذكرين
ما كان قصدى أن أبوح
وربما قد تصفحين.

حفلة الفنــان العالمي تيدي أفرو بنادي الضباط

ما بخاف من شيء برضي خابر
المقدر لابد يكون
إن أتاني الهم جيشو دافر
يلقى يا مولاي صبري وافر
يلقى عقلي كمان ليهو ظاهر
يلقى قلبي شجاع ما خئون
بالعدا معروف ما ببادر
ما بخون الجار ماني غادر
ما بقول للناس مثلي نادر
بل بقول للخالق شئون
قول لشاهد الزور فيما ساير
هدّي روعك قبل الخساير
ياما قبلك عميت بصاير
من لساني وقولي الهتون
ما نكرت الحق ماني فاجر
لا ولا بالعالم متاجر
نفسي يا أحباب ليها زاجر
لا أكون كل يوم ليَّ لون
الثبات معروف لي معاصر
لو بقيت في داخل معاصر
الإله غير شك ليَّ ناصر
رغم أنف الواشي الخئون
عن لسان الحق ماني نافر
ما جحدتَ الخير ماني كافر
ما ضمرت السوء ماني حافر
للصديق لو جوة السجون

ياسلوة المحزون ياقيثارة القلب الجريح
يادرة فاقت علي الاتراب بالقد المليح
يازهرة انفاسها كالعطر عبقت الضريح
اهوي جمالك والشعور يزينه القول الصريح
قد هزني منك الجمال فجئت بالشعر الفصيح
فترفقي ياهذه فالناس من جسد وروح
فبحق بطرس يافتاتي من شفا الرجل الكسيح
وبمريم العزراء وبالاحباربالراعي الصليح
وبماري جرجس والصليب وبالكنيسة والمسيح
وبالكاردنال بفرقة البطريق بالرجل الصفوح
بالقس بالمطران بالدير المقدس بالسموح
بمعابد الرهبان بالجرس المرن علي السفوح
بمشاعل الميلاد بالشجر المنور بالصبوح
ان ترحمي متعزبا يهواك في حب صحيح
ومتي يتم لقائنا في شاطئ النيل الفسيح
والموج والصفصاف والقمر المطل علي السطوح
وانين ساقية تدور وصوت مزمار يصيح
وبدت نجوم الفجر بالاضواءفي الافق تلوح
وتجئ شقشقة الطيور كرنة الوتر الزبيح
فهناك ينبعث السرور علي النفوس فتستريح

مغالطنا ما مصدقنا
أسأل العنبة الرامية فوق بيتنا
خاينة يا دنيا وظالمة يا دنيا
قاسية يا دنيا وظالمة يا دنيا

العذاب ضقنا والشقا وعشنا
الله يغفر ليك من ضياع ريدنا

قلنا نتصبر لا لا ما بنقدر
قلنا الصبر قاسي والمحبة قدر

قلنا للقمرة سافري من بكرة
ختى في قلبه شتلة الذكرى

الغمام خش والمطر رش
كانت آمالنا نحيا في عشة

الزمن غدار ظلمه ما بندار
حني يا دنيا واقبلي الأعذار

رحت خليتنا تاني ما جيتنا
كان مغالطنا ما مصدقنا
أسأل العنية الرامية فوق بيتنا