التصنيف: اغاني

مادام العيون
دمعاتها رقراقة
ومادام البعاد
لفحاتو حراقة
ومادام إنى مشتاق
وانتى مشتاقة
أكييييد ياست غناي
باكر بنتلاقى
**
لو فى غيمة
سايقاها الرياح النو
ولو جم نجمة
نتوسد وسايد الضو
ولو بعد الخيال
والاحتمال
أو ..
لو ..
نسكن فى مقاطع بسمة براقة
أكيد يا سر غناي باكر بنتلاقى
**
ياراوية غناي واشعارى فى صمتك
و ياساجعة شقاي البيهو كلمتك
من بدرى وزماان
لي نبضى سلمتك
وانا عارف السنين للفرحة سراقة

اجلى النظر يا صاحِ منظر الانسان
الطرفه نايم وصاحي صاحي كالنعسان
فى الضي جبينها النادى والبدر خلان
تجمع لطافة ورقة ونفرة الغزلان
مابين أن جسيمها اللادن الكسلان
يزرى الحرير الناعم والفريع اللان
دعجة ومكحلة خلقة عظمها الرحمن
بكمال جمال الخلقة وشحها الإيمان
جذب المناظر مننا منظرها الفتان

*****************

حين جات تميس تتختل وشفنا فيها البان
بدرى وغمامة ودميه فى فريع البان
وردفاً يتب بدروعه والقديم غلبان
من دون مرور النسمة أم قوام نديان
تجى فى الدروع منقسمة تميل تخذ أحيان
تقدل تتاتى كفيلة ويلعب الطغيان
وتبرع المتبرع وبالخمرة نديان

*****************

أنا قلب طار من صدرى يا صديقى عشان
شفت حور الجنة داخل الحيشان
شفت العيون بتقهقر ضابط النيشان
شفت الجمال الوافر فى عظيمة الشان
اقسم يمين يا بنيه الهلاك لى هان
ذرفت دموع عينى والفؤاد ولهان
أنا فى الخلوق ما عليّ الراضى والكرهان

*****************

لو كان وهبتى الى نظرة با أم دلهان
أنت نور الدنيا الضاوى ليه زمان
أنت وهبك ربك تاج بها الأزمان
إنتى آمنة خدرك وبهجة أمدرمان
أنتى أنتى مناى اللى مخافى أمان

*****************

ليكى السلام ما غنى شادى أو رطان
ليك السلام ما حن مفارق الأوطان
يخضب بنانك حنة وللوريد قيطان
وانيل رضاك يا الملكة نجلة السلطان

قالو لي انساهو وامسح من خيالك ذكرياتو
انسى كل الماضي وابعد عن طريقو وعن حياتو
فات وخلاك للزمن بعد امالك سدن
ليه تحن من تاني ليه ليه تفكر في صلاتو

السنين العشت فيها معاك هنايا
اقوى من قول العوازل واسمى من كلمة وشاية
لو خلاص قلبك نسى الايام معايا
برضي راضي في الغرام كم من ضحايا
بس تأكد يا حبيبي انو حبك في دمايا

بالامل صبرت قلبي وعشت في دنيا الاماني
اهدهد الشوق بين ضلوعي واترجم الالام اغاني
باروي للناس سر عذابي واحكي ليهم ماشجاني
لا نفع دمعي السكبتو ولا شفع عندك حناني

الغريب عن وطنو مهما طال غيابو
مصيرو يرجع تاني لاهلو وصحابو
ينسى الامو وشجونو ينسى حرمانو وعذابو
الا قلبي يا حبيبي في هواك طال اغترابو

الليلة جيت شايل الفرح
قصدك تعوضني الفات
اديتني حنية عيون
ما لقيتها في اقرب صلات
اديتني احساس بعمر
حاضنو الربيع ونسايمو جات
يوم كنا في جلستنا ديك
نحكي ونعيد الزكريات

ما تشيل مع الحنية هم
وتخاف من الايام تدور
وتخاف يغيرني الزمن
واعبر بدون عينيك بحور
انا روح بتعرف عزتك
زيك كمان صادق شعور
وانا بيك منورة دنيتي
ذي ليلة هالي عليها نور

خليتني ليه عشت الشقى
قبال اعرفك من زمان
كم مرة لاقيتك انا
ولمحت ليك بالريد كمان
من بدري ليه ما قلت لي
انا قلبي ليك مليان حنان
وبالريد كمان صارحتني
يوم كان بيتوهني الزمان

بلابل الدوح ناحت على الاغصان
طرب وسرور مالت فروع البان
مرة بعطف ومرة يقارن
مرة بقطب حاجبو القارن
مرة يمثل المهر الحارن
وافكاري التايهه وهو الحارن
لحظي عقد مآقاي غرقن
بنار الشوق احشاي حرقن
وابقي اليشبه ديسو الزرقن
يا شموس افراحي متى تشرقن
يمثل لي محبوبي عيان
حاولت اقطف وردو النديان
يمثل لي الورع التقيان
ويدفق ري أملي المليان

إنت يا قلبي المتيم
كنت خالي
كنت نايم وما رايت
سهد الليالي
كنت قايل كل شي
في الدنيا حالي
جيت لقيت باب الغرام
فاتح ودخلت
ومن شراب الريد
يا مسكين نهلت
وابتديت تعشق يا قلبي وانشغلت
وكنت جاهل
والعشق ظنيتو ساهل
إلا يا ريتك عرفتا
وما جهلت

حبي بيك ليلتنا ليليه
ليله كانت من جنان رضوان
ليله فيها الحظ بسم لي
والسعود حفاها بالرضوان

النجوم في سماها مدريه
بنور فوق نورها مطليه
بسمت بسمه الفرحان
اعتدال الطقس يخال لي
النسيم يمشي ويجيب لي
من روائح الورد والريحان

هي لاشك ليله قدريه
مناظرها ساكنه خمريه
حوت بهجه وحواري حسان
روائح انفاسك عطريه
هي ليله والا دريه
بعمرو يبدل الانسان

مناظر غاليه عطريه
حوت كل ايه شعريه
حوت بهجه ولطف وحنان
واشراقة طلعه قمريه
رشاقه جسمتها طريه
يجيك معنى الحرير اللان

بدت في حله دريه
زهت كزهور في زهريه
تمثل معرض الالوان
كأنها شعله نوريه
اتت في صوره سحريه
لتظهر قدره الفنان

يا ليل ابقالي شاهد
علي نار شوقي وجنوني
ياليل صار ليك معاهد
طرفي اللي منامي زاهد
دنا لي سهرك واشاهد
فوق لي نجمك ظنوني
ياجميل لي سهري واجد
واراك نايم وهاجد
مين لي عينيّ ناجد
دمّاعي الغرّقوني
برّاق سنّك يساعد
الغيم المزنو راعد
ساكن قلبي ومباعد
تشتاق شوفتك عيوني
لاتكون بالنظرة جاحد
حلمك في الميّة واحد
منّك لي قلبي شاهد
وبين ايديك يا حنوني
حبك في الجوف يطارد
مابين صادر ووارد
ياحبيبي الليّ مارض
اشواقك ضيعوني
حبك لي عقلي فاقد
شوقك جوّا جوفي واقد
قلبي اللي حلمو فاقد
نظراتك يأسروني
قلبك علي ظلمي عاقد
شوفتك راحتي ومنوني

أنا من هواك ..
من كلام عينيك وسحرك من بهاك
من مزايا الرقة عندك.. من نداك
من ربيع الدنيا أشرق.. من ضياك
كنت سابح.. كنت ناعم بي رضاك
من كلام عينيك وسحرك من بهاك ..
ياحبيبي كنت فاكر من زمان
إني عندك وفي فؤادك لي مكان
كلو طيبة وكلو دافق من حنان
من مشاعر ومن مودة ومن أمان
من كلام عينيك وسحرك من بهاك
أنا من هواك..
كلموني..
حدثوني..
عرفوني
إني زايد في حنيني
وانت لاعب بي شجوني
وما بتفكر في سنيني
وما بهمك حال عيوني
من دموعي ومن أنيني
من كلام عينيك وسحرك من بهاك..
أنا من هواك..
قلت ليهم
ياحبيبي
وياشبابي
انت أغلى
وانت أكبر من عتابي
انت جوهر..
انت أندر
انت أبعد.. من سرابي
برضي ساير في طريقك
وما بفكر في عذابي
من كلام عينيك وسحرك من بهاك..
أنا من هواك

أكيد أكيد نتقابل
تصدق آمال و تطول أجيال
و نتقابل
و بتعرف كيف يا أجمل طيف
ضيعنا سنين ما بنتقابل
*****
يا أمل وثاب و أماني قرون
يا سحر خلاب يا سحر حيكون
بنتقابل
لو إنت سراب تلقاني ظنون
لو إنت عذاب تلقاني فنون
و نتقابل
*****
دوبني عتاب و أغموني شجون
أجفاك و أرتاب بس كيف ده يكون
كان إنت عذاب في عيوني عيون
بنتقابل
*****
بريدك بحبك مغرور بحبك
يقلب مبهور وبحبك وبقلب مسحور بحيك
ياعطر منثور بحبك مالكني شعور بحبك
وبتعرف كيف يا أجمل طيف ما بنتقابل